અમદાવાદઃ અમદાવાદના અખબારનગર રોડ ઉપર પસાર થતા ધોમધખતાં તડકામાં બપોરના સમયે ETV Bharatની નજરે એક નાના એવા ઝાડ નીચે બેઠેલ બહેન ઉપર પડી. આવી કાળઝાળ ગરમીમાં તેમને શું તકલીફ છે ? તેમ પૂછયું ત્યારે તેમને જણાવ્યું કે, તેઓ કુંભારીનું કામ કરે છે. અમદાવાદના વાડજ વિસ્તારમાં આવેલ રામાપીરના ટેકરાની ગરીબ વસ્તીમાં તેઓ રહે છે. પાછલાં કેટલાય વર્ષોથી તેઓ પેઢી દર પેઢી આ કામ કરતા આવ્યાં છે.
લૉક ડાઉનમાં માટીની બનાવટની ચીજવસ્તુઓ વેચનારની દયનીય સ્થિતિ માટીના વાસણો, માટલાં, પક્ષીઓના પીવાના પાણીના કુંડ,ફૂલ છોડના કુંડા,માટીના પક્ષીઘર વગેરે બનાવીને વેચવાના કામ સાથે પરિવાર સંકળાયેલો છે. પરિવારમાં પતિપત્ની સહિત બે બાળકો છે. ખરી ગરમીમાં તેઓ કોઈ ગ્રાહકની આશાએ ત્યાં બેઠાં હતાં. ખુલ્લા મેદાનમાં નાની એવી જગ્યા રોકીને ત્યાં પોતાના માટીની ચીજોનું વેચાણ કરનાર એ બહેનનું નામ 'સમ્યા' છે.પોતે એક લાખ રૂપિયાનું દેવું કરીને કેટલાંક માટીના વાસણો બનાવ્યાં છે. તો કેટલાક બહારથી મંગાવ્યાં છે. પરંતુ કોરોના વાયરસનું ગ્રહણ તેમના નાના ધંધા પર લાગી ગયું છે. પહેલાંના ઉનાળામાં તેમનું વેચાણ સારું થતું હતું, તેમને બહારથી માટીના વાસણો મંગાવવા પડતાં.પરંતુ આ સમયે એકલદોકલ માટીની ચીજવસ્તુઓની ખરીદી સિવાય કોઇ ગ્રાહક દેખાતું નથી. ત્યારે તેઓ વિચારે છે કે વ્યાજે લીધેલી મૂડીનું વ્યાજ કેવી રીતે ભરશે ! બીજી તરફ જ્યાં ધંધો કરી રહ્યાં છે તે મેદાનના જગ્યાનું દસ હજાર જેટલું માતબર ભાડું નક્કી કરવામાં આવ્યું છે. ત્યારે ભાડાની ચૂકવણી કેવી રીતે કરશે ? તેની વેદના પણ તેમના મુખ પર સ્પષ્ટ દેખાતી હતી.
લૉક ડાઉનમાં માટીની બનાવટની ચીજવસ્તુઓ વેચનારની દયનીય સ્થિતિ સરકારી સ્કીમની કોઈ માહિતી તેમની પાસે નથી. તેમનું કહેવું છે કે સામાન્ય દિવસોમાં તેઓ ગામડેથી પણ માટીના માટલાં અને વાસણો મંગાવીને વેચતાં હતાં.પરંતુ લૉક ડાઉનના કારણે તેની આવક પણ બંધ થઈ ગઇ છે. તો બીજી તરફ ગ્રાહકો પણ કોરોના વાયરસના કારણે આવતાં નથી. ત્યારે આવા લોકોની દરકાર લઈને સરકારે મદદ કરવી જોઈએ.
