- રાજ્યમાં કોરોના વાઇરસનો કહેર યથાવત
- રેમડેસીવીર ઇન્જેક્શન કોને આપી શકાય ?
- રેમડેસીવીર ઇન્જેક્શન ફક્ત ઇમરજન્સીમાં જ વાપરવામાં આવે છે
- જાણકારી વગર લેવામાં આવે તો નુકસાન પણ કરી શકે છે
અમદાવાદઃ કોરોનાની મહામારીમાં જે દર્દીની હાલત ગંભીર હોઇ તેવા દર્દીઓને જ રેમડેસીવીર ઇન્જેક્શન આપવામાં આવે છે. WHO અને ICMR દ્વારા આ રેમડેસીવીર ઇન્જેક્શનને લઇ પણ જાણકારી આપવામાં આવી હતી. જેમાં ફક્ત ઇમરજન્સીમાં વાપરવા માટેની સલાહ આપવામાં આવી છે. સ્પષ્ટ જણાવવામાં આવ્યું હતું, કે આ રેમડેસીવીર ઇન્જેક્શન કોરોનાના વાઇરસને ખત્મ કરતા નથી. ફક્ત રાહત આપે છે.
આ પણ વાંચોઃ રેમડેસીવીર ઇન્જેક્શન અંગે ETV Bharatની અપીલ, જાણકારી વગર પાછળ ન દોડો...
રેમડેસીવીર ઇન્જેકશન શું છે ?
અમદાવાદ મેડિકલ એસોસિએશન(IMA)ના પૂર્વ પ્રમુખ મોના દેસાઇ સાથે ETV Bharatની ટીમ દ્વારા ખાસ મુલાકાત કરવામાં આવી હતી. જેમણે જાણકારી આપતા જણાવ્યું હતું કે, રેમડેસીવીર એ એક એન્ટીવાઇરલ ડ્રગ્સ છે. તેનાથી કોરોના વાઇરસનું ઇન્ફેક્શન સંપૂર્ણ નાબૂદ થતું નથી. આ ઇન્જેક્શન કોરોનાના વાઇરસની અસર ઓછી કરી શકે છે. વ્યક્તિના શરીરમાં રહેલા રોગપ્રતિકારક શક્તિ અને રેમડેસીવીરના વાઇરસ સાથે મળીને કોરોના વાઇરસની સાથે લડે છે.
રેમડેસીવીર સમજવામાં આવે તેટલી અસરકારક નથી
આ રેમડેસીવીર ઇન્જેક્શન પાછળ જે રીતે લોકો દોડી રહ્યા છે. તે તેના પ્રમાણમાં અસરકારક પણ નથી પરંતું થોડી માત્રામાં અસર કરી શકે છે, રોગપ્રતિકારણ શક્તિમાં વધારો કરી શકે છે. અતિ ગંભીર દર્દીને જો આપવામાં આવે તો મોતના મુખમાંથી દર્દીને પાછા લાવી શકાય તે શક્ય પણ નથી. કેટલાક કેસમાં દર્દીને અસર કરે તો જરૂર રાહત આપી શકે છે અને દર્દીને સ્થિતિમાં સુધારો કરી શકે છે.
રેમડેસીવીર કોરોનાની અસરને ઓછી કરી શકે છે
રેમડેસીવીર ઇન્જેક્શનથી કોરોના વાઇરસની અસરને ઓછી કરી શકાય છે પરંતુ કોરોનાના વાઇરસને આ ઇન્જેકશન મારી શકતો નથી. આ ઇન્જેકશનથી જે દર્દીઓની હાલત ગંભીર હોઇ તેમને આપવામાં આવે તો રાહત આપી શકે છે. જો નિષ્ણાંત ડોક્ટરો તમામ રિપોર્ટ બાદ સલાહ આપે કે રેમડેસીવીર આપવા જોઇએ તો જ આપવા.
આ પણ વાંચોઃ જાણો કોરોનાના દર્દીને અપવામાં આવતા રેમડેસીવીર ઇન્જેક્શનની ઉપયોગીતા
કેવા સંજોગોમાં આપવામાં આવે છે રેમડેસીવીર
- જે દર્દીનું ઓક્સિજન લેવલ 94 કરતા ઓછુ થતું હોઇ
- શ્વાસ લેવામાં તકલીફ પડતી હોઇ
- ફેફસામાં સંક્રમણ વધી રહ્યું હોઇ
- વેન્ટીલેટર કે બાઇપાઇપ દર્દીની સ્થિતિમાં સુધારો ન થયો હોઇ
- 3થી 4 દિવસ સુધી તાવમાં ઘટાડો ન થતો હોઇ
કેવા સંજોગોમાં આવે છે હાર્ટએટેક
કોરોના થયેલા દર્દીની ઉંમર 50 વર્ષથી વધુ હોઇ અને હાર્ટની બિમારી હોઇ, ડાયાબિટીસની પણ બિમારી હોઇ તેવા દર્દીઓને શક્યતા વધી જાઇ છે. કોરોનાના દર્દીઓમાં સંક્રમણ વધતુ હોઇ તેવા સંજોગોમાં દર્દીનું સુગર લેવલ પણ વધતું હોઇ છે. રોગપ્રતિકારક શક્તિ પણ ઓછી હોઇ છે ત્યારે મ્યુકોમાઇક્રોસિસ થવાની પણ શક્યતા વધી જાઇ છે. દર્દી ઓઇસોલેશનમાં હોઇ તેવા દર્દીઓ ગભીરાઇ જવાથી હાર્ટએટેક આવવાની સંભાવના વધી જોઇ છે. તેવા સંજોગોમાં હાર્ટએટેક આવે છે.
