- ચોક્કસ વળતર ન મળતા ગ્રાહક પહોચ્યો ક્નઝ્યુમર કોર્ટમાં
- એક જ મહિનામાં ટૂ વ્હીલર ખરાબ થતા વળતરની કરી હતી માંગણી
- કોર્ટે ડિલરને 5 હજારનો દંડ ફટાકાર્યો
અમદાવાદ: શહેરમાં રહેતા વિનોદભાઈ રાઠોડ પોતાનું જૂનું ટુ વહીલર આપી નવી મેસ્ટ્રો 58 હજારના ખર્ચે ખરીદી હતી. જેમાં એક મહિનાની અંદર તકલીફ આવતા વિનોદભાઈ પોતાનું વાહન પાછું કરી ચૂકવેલા પૈસાની માંગણી કરી હતી, પરંતુ ડિલરે પુરા પૈસા ન ચૂકવતા માત્ર 45 હજાર જ ચૂકવ્યા હતા. આ સામે અમદાવાદની કન્ઝ્યુમર કોર્ટમાં ફરિયાદ કરી હતી. કોર્ટે આ કેસમાં સંપૂર્ણ પૈસા 8 ટકાના વ્યાજ સાથે અને રૂપિયા 5 હજારનો દંડ કર્યો હતો.
1 મહિનામાં વાહનમાં તકલીફ
વિનોદ ભાઈએ 2013માં ટુ વ્હિલર લીધુ હતું. થોડા સમય પહેલા નવું ટૂ વ્હિલર લેવા માટે આર કે ઓટો નામના એકમના ડીલર પાસેથી પોતાનું જૂનુ ટુ વ્હીલર 30 હજાર અને વધારાના પૈસા 28 હજાર ચૂકવી કુલ 58 હજારના ખર્ચે નવું વાહન ખરીદ્યુ હતું, પણ વાહનમાં એક જ મહિનામાં તકલીફ આવતા વિનોદભાઈએ વાહન રિપ્લેસ કરવા અથવા વોરંટી અંતર્ગત સામેલ કરવા રાજૂઆત કરી હતી. ડિલર દ્વારા આ બંને મંગણીઓમાંથી એક પણ માગ સ્વીકારી નહોતી તો વિનોદભાઈએ રોકડ રકમની માગ કરી હતી. ડિલરે તેની સામે માત્ર 45 હજાર ચૂકવ્યા અને એક મહિના વાહન વપરાયુ હોવાથી પુરા પૈસા ન મળે તેવુ બહાનું કાઢ્યું હતું.
આ પણ વાંચો : અમદાવાદ: બનાવટી દાખલા અને આધારકાર્ડ બનાવતી ગેંગનો પર્દાફાશ
કોર્ટમાં ફરિયાદ
વિનોદભાઈને પોતાની પુરી રકમ ન મળતા તેઓ પોતાની ફરિયાદ લઈને અમદાવાદની કન્ઝ્યુમર કોર્ટમાં પહોંચ્યા હતા. કોર્ટે કેસની તપાસ કરીને ડિલરને બાકીના નીકળતા પૈસા 8 ટકા વ્યાજ સાથે અને રૂપિયા 5 હજાર દંડ ભરવા પણ આદેશ કર્યો છે.
કોર્ટમાં ફરિયાદ કેમ કરી?
વિનોદભાઇના એડવોકેટ હેમકલાબેન શાહે ETV Bharatને જણાવ્યું હતું કે અરજદાર આર્થિક રીતે સધ્ધર છે પણ ગ્રાહકો સાથે આમ છેતરપિંડી કરનારાઓ સામે કડક પગલાં લેવાય અને આવું બીજા ગ્રાહકો સાથે ઘટિત ન થાય તે માટે કોર્ટમાં કેસ દાખલ કર્યો હતો. તેમને પ્રથમ નોટિસ આપવા છતાં પણ તેમણે પુરેપુરા પૈસા ચૂકવ્યા નથી. અને હવે કોર્ટના આદેશ બાદ લેણી નીકળતા પૈસા અને દંડ પણ ભરવો પડશે.
આ પણ વાંચો : એન્જિનિયરે કમાવાની લાલચ આપી લાખો રૂપિયાની કરી છેતરપિંડી, આરોપીઓની ધરપકડ કરાઈ
