એસટી નિગમનું મોટાભાગનું શિડયુલ ચાલુ : GSRTC સેક્રેટરી

કોરોના સંક્રમણ દરમિયાન GSRTC નિગમની બસોનું મોટાભાગનું સંચાલન બંધ રહ્યું હતું.અમદાવાદ સહિત રાજ્યના મોટા શહેરોમાં નાઈટ કરફ્યુના કારણે પણ સંચાલન બંધ હતું. હવે જોકે એસટી નિગમની મોટાભાગની સેવાઓ પૂર્વવત્ થઈ છે. એસટી નિગમ દ્વારા રાજ્યમાં 6744 બસો 75 ટકા કેપેસિટી સાથે દોડાવવામાં આવી રહી છે.

● પરિસ્થિતિઓ સામાન્ય થતાં GSRTC નિગમની મોટાભાગની ટ્રીપ ચાલુ

● શાળાકોલેજો ખુલતાં વિદ્યાર્થી પ્રવાસીઓ પણ આવશે

● મોટાભાગના નિગમના કર્મચારીઓને કોવિડની રસીનો પહેલો ડોઝ પૂર્ણ

અમદાવાદઃ ગુજરાત રાજ્ય એસટી નિગમના GSRTC સેક્રેટરી કેડી દેસાઈએ જણાવ્યું હતું કે, કોરોના સંક્રમણકાળ દરમિયાન એસટી નિગમની બસોનુ મોટાભાગનું સંચાલન બંધ રહ્યું હતું .અમદાવાદ સહિત રાજ્યના મોટા શહેરોમાં નાઈટ કરફ્યુના કારણે પણ સંચાલન બંધ રાખવામાં આવ્યું હતું. હવે ધીમે-ધીમે પરિસ્થિતિઓ પહેલાની જેમ થતાં એસટી નિગમની મોટાભાગની સેવાઓ પૂર્વવત્ થઈ ગઈ છે. એસટી નિગમ દ્વારા રાજ્યમાં 6744 બસો દોડાવવામાં આવી રહી છે. જેમાં 75 ટકા કેપેસિટી સાથે મુસાફરોને બેસાડવામાં આવે છે.

પ્રવાસીઓને લીધે એસટીની આવકમાં વધારો
કોરોના સંક્રમણકાળમાં સંચાલન બંધ રહેતાં GSRTCની આવકમાં ધરખમ ઘટાડો નોંધાયો હતો. પરંતુ હવે લોકો બહાર નીકળવા લાગ્યાં છે. પિકનિક સ્પોટ પર પ્રવાસીઓ મળવા માંડ્યાં છે. ત્યારે તેઓ દૂરના સ્થળે જવા હજી પણ એસટીને જ પસંદ કરે છે. પરિણામે તેની આવક 3.5 કરોડથી વધીને 05 કરોડ થઇ છે.

રાજ્યમાં 25 હજાર જેટલી ટ્રીપ ચાલી રહી છેસંક્રમણ હળવુ થતાં પાડોશી રાજ્ય સાથેનો વાહન વ્યવહાર પણ નિગમ GSRTC દ્વારા શરૂ કરાયો છે. પહેલા જ્યારે 10થી 12 હજાર ટ્રીપનું સંચાલન થતું હતું. તે હવે વધીને 25 હજાર જેટલી દૈનિક ટ્રીપનું સંચાલન થઈ રહ્યું છે.ત્રીજી લહેરને લઈને તૈયારીઓકોરોનાની ત્રીજી લહેરને લઈને GSRTC ના સેક્રેટરી કે.ડી. દેસાઈએ જણાવ્યું હતું કે, તૌકતેે વાવાઝોડામાં એસટી નિગમ દ્વારા ખૂબ જ સુંદર કાર્ય કરવામાં આવ્યું છે. 300 જેટલી બસો દ્વારા અસરગ્રસ્તોને સુરક્ષિત સ્થળે ખસેડાયાં હતાં. ત્રીજી લહેરને લઈને પણ કર્મચારીઓને જલદી વેક્સીન લેવા આદેશ અપાયા છે. તેમજ સરકારી ગાઈડલાઈનનું પાલન પણ કરવામાં આવશે.આ પણ વાંચોઃ રાત્રી દરમિયાન એસટી બસને શહેરોમાં પ્રવેશ આપવા GSRTC એમ્પ્લોય યુનિયનની માગ

આ પણ વાંચોઃ રાજ્યના એસટી નિગમના કર્મચારીઓએ સરકાર સમક્ષ સહાયની કરી માગ