અમદાવાદઃ ગુજરાત ATSAE મધ્યપ્રદેશથી બળવંતસિંહ ઉર્ફે બલ્લુ પટવા નામના આરોપીની ધરપકડ કરી છે. આરોપી જામનગરના કુખ્યાત જયેશ પટેલને હથિયારો સપ્લાય કરતો હતો.. એટીએસની તપાસમાં સામે આવ્યું છે કે આરોપી ગુજરાતમાં અત્યાર સુધી 100થી પણ વધારે હથિયાર સપ્લાય કરી ચૂક્યો છે. આરોપી મધ્યપ્રદેશથી ગુજરાતમાં અલગ-અલગ ગેંગને હથિયાર પૂરા પાડી ગુનાહિત કૃત્યોમાં સાથ આપતો હતો.
જયેશ પટેલ ગેંગને હથિયાર સપ્લાય કરનારની મધ્યપ્રદેશથી ધરપકડ વર્ષ 2019માં જામનગરના પ્રોફેસર રાજાણી જેઓ જમીન દલાલીના ધંધા સાથે સંકળાયેલા છે તેમની પાસેથી કુખ્યાત જયેશ પટેલે એક કરોડની ખંડણી માગી હતી. ખંડણી નહીં આપતા જયેશ પટેલના સાગરિત ઇકબાલે ફાયરિંગ કર્યું હતું. જે ગુનામાં 6 આરોપીઓની ધરપકડ કરવામાં આવી હતી. એ દરમિયાન ખુલાસો થયો હતો કે હથિયાર એમપીના ધાર જિલ્લાના બળવંતસિંહ ઉર્ફે બલ્લુએ પૂરા પાડ્યાં હતાં. ત્યારથી પકડાયેલો આરોપી વોન્ટેડ હતો.આરોપી સામે અમદાવાદ ક્રાઇમ બ્રાન્ચ, રાજકોટ ક્રાઈમ બ્રાન્ચ, મોરબી અને જામનગરમાં આર્મ્સ એક્ટ હેઠળના ગુના નોંધાયેલા છે.જયેશ ગેંગ સામેના ઓપરેશનમાં એટીએસને મળી મોટી સફળતા ATS હવે આરોપી બલ્લુને જામનગર પોલીસને સોંપાશે ત્યારે સવાલ એ ઉઠી રહ્યો છે કે બલ્લુએ હથિયાર બીજા કોને કોને પૂરા પાડ્યાં હતાં, કેટલા રૂપિયામાં હથિયાર સપ્લાય કરતો હતો અને સપ્લાય કરેલ હથિયારનો ઉપયોગ ક્યાં ક્યાં થયો હતો આ તમામ સવાલો અંગે પોલીસ દ્વારા તપાસ કરવામાં આવશે.