અમદાવાદઃ દર વર્ષે રથયાત્રા અગાઉ જમાલપુર વિસ્તારના સ્થાનિક મુસ્લિમ આગેવાનો દ્વારા જગન્નાથ મંદિરે ભગવાનને ચાંદીનો રથ અર્પણ કરવામાં આવે છે.આ રથ અર્પણ કરવાનો ઉદેશ સમગ્ર દેશમાં હિન્દુ અને મુસ્લિમ બિરાદરી વચ્ચે કોમી એકતા જળવાઈ રહે તે માટેનો છે.
માત્ર 24 કલાકમાં કોમી એકતાના સંદેશ માટે ચાંદીનો રથ તૈયાર કરી જગન્નાથ મંદિરને અર્પણ કરવામાં આવ્યો મુસ્લિમ સમુદાયના આગેવાન રાઉફ બંગાલીએ જણાવ્યું હતું કે તેઓ દર વર્ષે ભગવાનને ચાંદીનો રથ અર્પણ કરે છે પરંતુ આ વર્ષે કોરોના વાયરસની મહામારીને કારણે કારીગરો પણ હાજર નથી. છતાં 24 કલાકમાં ભગવાન માટે ચાંદીનો રથ તૈયાર કરવામાં આવ્યો અને મંદિરના મહંતને રથ અર્પણ કરવામાં આવ્યો હતો.જગન્નાથ મંદિરના મહંત દિલીપદાસજીએ ભગવાનનો રથ સ્વીકાર્યો અને મુસ્લિમ અગ્રણીઓ સાથે વાતચીત કરી હતી.
