ન્યુઝ ડેસ્કઃ દિવાળીના (Diwali 2021) પછીના દિવસને 'બેસતું વર્ષ' (Happy New Year) કહેવામાં આવે છે. આ દિવસ 'કારતક સુદ એકમ' નો હોય છે, આ ઉપરાંત, ગુજરતીઓનું 'નવું વર્ષ' તરીકે પણ ઓળખવામાં આવે છે.
ગુજરાતી સંસ્કૃતી પ્રમાણે વર્ષના પ્રથમ દિવસને બેસતુ વર્ષ કહેવામાં આવે છે. આ દિવસથી વિક્રમ સંવત અને જૈન વિર સંવતનું વર્ષ ચાલુ થાય છે. આ દિવસે ગોવર્ધન પૂજા અને મંદિરોમાં ભગવાનને અન્ન્કુટ અર્પણ કરવામાં આવે છે.
આ નવા વર્ષની સવારનું આગમન કઈક અલગ હોય છે, જેની લોકો લાંબા સમયથી રાહ જોતા હોય છે. આ દિવસે બધા લોકો એક બીજાને પગે લાગે છે, ભેટે છે, આશીર્વાદ લે છે અને પાછલા વર્ષમાં થયેલી ભુલોને માફ કરીને આગળ વધે છે.
આ ઉપરાંત, લોકો એકા બીજાના ઘરે જાય છે, મિઠાઈ ખવડાવે છે અને નવા વર્ષની શુભકામનાઓ પાઠવે છે, ત્યારે અમુક લોકો એકા બીજને ભેટ સ્વરૂપે ઉપહાર પણ આપે છે.
બધા દર્શકોને ETV Bharat તરફથી નૂતન વર્ષાભિનંદન..
એક નવી સવાર સાથે.. મંગલમય બને તમારું નવું વર્ષ...
