અમદાવાદ: શહેરના ચાંદખેડાની વિસ્તારની એક મહિલાએ પ્રાંતિજના ધારાસભ્ય અને પ્રધાન ગજેન્દ્ર સિહ પરમાર વિરૃધ્ધ લગ્નની લાલચ આપીને શારિરીક સંબધ બનાવ્યાનો આક્ષેપ કર્યો હતો. આ મામલે એકાદ વર્ષ પહેલા મહિલાએ ગાંધીનગર સેકટર-21 પોલીસ મથકમાં અરજી કરી હતી. ગાંધીનગર પોલીસે હાઇકોર્ટમાં રજૂ કરેલા આ રિપોર્ટમાં(Gandhinagar Police Report ) મહિલાની ફરિયાદને રાજકીય અદાવત રાખી, બદલો લેવા માટે ખોટા આક્ષેપ(False allegations in the complaint ) કરવામાં આવ્યા હોવાનો ઉલ્લેખ કરવામાં આવ્યો છે.
કેસની વિગત - આ પીડિતા મહિલાએ ઓલઆઉટનું પ્રવાહી પી આત્મહત્યા કરવાનો પ્રયાસ(Woman attempted suicide ) પણ કર્યો હતો. આ મામલે મહિલા દ્વારા પોલીસ રાજકીય દબાણ હેઠળ ફરિયાદ દાખલ ન કરી હોવાનો દાવો પણ કર્યો હતો. જેથી આ ફરિયાદ દાખલ કરવા મહિલા દ્વારા ગુજરાત હાઇકોર્ટમાં અરજી(Application in Gujarat High Court) કરવામાં આવી હતી.
આ પણ વાંચો: અમદાવાદ શહેરમાં રખડતા ઢોર, બિસમાર રોડથી લઈ પાર્કિંગ મુદ્દે મનપા કમિશનરે હાઇકોર્ટમાં રજૂ કર્યું એફિડેવિટ
પોલીસે રજૂ કર્યો હાઇકોર્ટમાં રિપોર્ટ - ગાંધીનગર પોલીસે હાઇકોર્ટમાં રજૂ કરેલા રિપોર્ટ પ્રમાણે મહિલાની ફરિયાદને રાજકીય અદાવત અને બદલો લેવા માટે ખોટા આક્ષેપ(False allegations in the complaint) કરવામાં આવ્યા હોવાનો ઉલ્લેખ આ રિપોર્ટમાં કરવામાં આવ્યો છે. પોલીસના રિપોર્ટ પ્રમાણે મહિલાને ભાજપે ટિકીટ ન આપતા અંગત અદાવત રાખવામાં આવી રહી છે. મહિલાએ ખોટા આરોપ લગાવ્યા છે. આની સાથે આ રિપોર્ટમાં પોલીસે ફરિયાદી મહિલાના વ્યક્તિગત જીવન અંગેની કેટલીક બાબતો પણ રજૂ કરી છે. જો કે આ બાબતે ફરિયાદી મહિલાના વકીલ તરફથી પોલીસે રજૂ કરેલ રિપોર્ટ અંગે વાંધો ઉઠાવવામાં આવ્યો છે. અને આ રિપોર્ટ સામે જવાબ રજૂ કરવા માટે વકીલ દ્વારા સમય માંગવામાં આવ્યો છે. આ મામલે વધુ સુનાવણી આગામી 15 જૂને હાથ ધરવામાં આવશે.
