અમદાવાદઃ દુષ્કર્મની પોલીસ ફરિયાદ રદ કરાવવા આવતાં મોટાભાગના કિસ્સામાં પ્રેમ સબંધ હોવાનું સામે આવ્યું છે. જેમાં યુવા વયમાં તરુણ વયના છોકરા- છોકરીઓ ભાગી જતાં હોય છે અને આવી સ્થિતિમાં આરોપી પર પોકસો હેઠળની કલમો મુજબ ગુનો દાખલ કરાય છે. આ ફરિયાદ દાખલ કરાયા બાદ જ્યારે આરોપી પર પોલીસ કાર્યવાહી કરવામાં આવે છે અને મોટાભાગના કિસ્સામાં પ્રેમ સબંધ હોવાથી લગ્ન કરાવી દેવામાં આવે છે અને કોર્ટમાં બંને પક્ષ મેરેજ સર્ટિફિકેટ અને સર્વસંમતિનું સોગંદનામું રજૂ કરતાં હાઈકોર્ટ મોટાભાગના કિસ્સામાં આરોપી સામેની ફરિયાદ રદ કરી દે છે.
પોકસો હેઠળ નોંધાયેલા ગુનાના પ્રકાર અને જાણો તેમના જુદા પરિણામ ગુજરાત હાઈકોર્ટના જસ્ટિસ સોનિયા ગોકાણીએ મહત્વપૂર્ણ ચૂકાદામાં જણાવાયું હતું કે તરુણ અવસ્થામાં પ્રેમ સબંધમાં યુવતીને ઘરેથી ભગાડી જતાં હોય છે અને આવી સ્થિતિમાં અજાણતામાં તેમનાથી મોટો ગુનો થઈ બેસે છે જેથી તેમને સ્કૂલના શૈક્ષણિક વર્ગમાં પોકસો અંગે જ્ઞાન આપવામાં આવે.
જામીન મેળવવા માટે ગુજરાત હાઈકોર્ટમાં આરોપીએ પીડિતા સાથે લગ્ન કરવાની તૈયારી બતાવી હતીગુજરાત હાઇકોર્ટમાં દુષ્કર્મ કેસ આવ્યો હતો, જેમાં પીડિત યુવતી અને આરોપી પ્રેમ સંબંધમાં ભાગી ગયાં હતાં અને ત્યારબાદ યુવતીનાં માતાપિતાએ કિશોર વયના આરોપી યુવક સામે પોલીસ ફરિયાદ કરતાં તેની ધરપકડ કરવા આવી હતી અને નીચલી કોર્ટમાં જામીન નામંજૂર થયા બાદ જામીન મેળવવા માટે હાઈકોર્ટમાં અરજી કરી હતી અને ત્યારપછી સુનાવણી દરમિયાન જામીન મેળવવા તેણે કોર્ટને કહ્યું હતું કે જો યુવતી સાથે લગ્ન ન કરું તો જામીન રદ દેજો. કોર્ટે આ વાતને ધ્યાનમાં રાખીને અને યુવતીને આ મુદ્દે કોઈ વાંધો ન હોવાનું સોગંદનામું ધ્યાને લઈ આરોપી યુવકના જામીન મંજૂર કર્યા હતાં.
ઘણીવાર પોલીસ ફરિયાદ રદ કરાવવા તેમને જન્મેલ બાળક મુદ્દે પણ રજૂઆત કરાય છે. ઘણીવાર આરોપી અને પીડિત યુવતીએ તેમના પ્રેમ સબંધમાં ભાગીને લગ્ન કરી લીધાં હોય છે અને વર્ષો પછી પોલીસ ફરિયાદ રદ કરાવવા જન્મેલ બાળક અને મેરેજ સર્ટિ પણ રજૂ કરાય છે. સામુહિક દુષ્કર્મ અથવા બળજબરીપૂર્વક દુષ્કર્મ કેસમાં કોર્ટ આરોપીને ગુના પ્રમાણે 7 વર્ષથી ફાંસી સુધીની સજા ફટકારી શકે છે. પીડિત યુવતીની વય અને ગુનામાં આચરેલ ક્રૂરતાને ધ્યાનમાં રાખીને કોર્ટ ચૂકાદો આપે છે. દુષ્કર્મના કેસ વધુ ન નોંધાય તેના માટે ભારત સરકાર દ્વારા સજાને પણ વધારવામાં આવી છે અને 2019માં પોકસો એકટમાં સુધારો કરી ફાંસીની પણ જોગવાઈ સામેલ કરવામાં આવી છે.સુરતની સેશન્સ કોર્ટ દ્વારા હાલમાં જ ત્રણ વર્ષની બાળકી સાથે દુષ્કર્મના કેસમાં ફાંસીની સજા ફટકારી હતી. જોકે હાઈકોર્ટ દ્વારા ફાંસીને કન્ફર્મ કર્યા બાદ જ કોઈને મૃત્યુદંડ આપી શકાય અને આરોપી પાસે હાઈકોર્ટ અથવા સુપ્રીમ કોર્ટ અને છેલ્લે રાષ્ટ્રપતિ પાસે દયા અરજીનો માર્ગ ખુલ્લો હોય છે.પ્રેમ સબંધમાં પોકસો હેઠળ નોંધાયેલી કલમમાં પોલીસ ફરિયાદ રદ હાઈકોર્ટ માને છે કે જ્યારે બંને પક્ષે સર્વસંમતિથી લગ્ન કરી લીધાં છે અને તેમને બાળકો હોય તો આવી પરિસ્થિતિમાં આરોપી પર કાર્યવાહી કરવી એ બાળક અને યુવતીના ભવિષ્યના હિતમાં નથી અને ફરિયાદ રદ કરવામાં આવે છે.
