ACB થઈ આકરી, લાંચિયાઓની ખેર નહીં, CRPC-70 મુજબનું વોરન્ટ જારી

અમદાવાદ: સરકારી બાબુઓ લાંચ લીધા બાદ ACBથી બચવા ભાગતા ફરતા હોય છે, ત્યારે આવા લાંચિયા અધિકારીઓ સામે ACBએ કડક કાર્યવાહી કરવાનો નિર્ણય કર્યો છે અને 36 આરોપી સામે CRPC કલમ-70 મુજબ વોરન્ટ બજાવવાની તજવીજ હાથ ધરી છે.

ગુજરાત ACBએ પોલીસ પકડથી નાસતા ફરતા લાંચિયા અધિકારીઓ વિરુદ્ધ કાર્યવાહી હાથ ધરી છે. જેમાં 10 જેટલા અધિકારીઓ વિરુદ્ધ CRPC- 70 મુજબનું વોરન્ટ ઈશ્યુ કરી દીધું છે. જ્યારે બાકીના 26 અધિકારીઓ વિરુદ્ધ CRPC-70 મુજબનું વોરન્ટ બજાવવાની કામગીરી હાથ ધરી છે. આ નાસતા ફરતા આરોપીઓમાં 5 જેટલા હાઈપ્રોફાઈલ કેસના અધિકારીઓ પણ છે. જેમાંથી એક DYSP જે.એમ ભરવાડ પણ છે.

શું છે CRPC કલમ-70?

CRPC-70 મુજબનું વોરન્ટ ખાસ સરકારી અધિકારીઓ માટેનું જ નીકાળવામાં આવે છે. જેમાં નાસતા-ફરતા આરોપીઓને પોલીસ દ્વારા શોધખોળ ચાલી હોય ત્યારે કોઈ પણ જિલ્લાની પોલીસે આરોપીને તેમની હદના વિસ્તારમાંથી ધરપકડ કરી શકે છે.