ફરિયાદી મહિલા સાથે હોટલના રૂમમાં જબરજસ્તી કરનારા વાડજ PSI વિરુદ્ધ ફરિયાદ

શહેરમાં રક્ષક જ ભક્ષક બન્યાં હોય તેવો એક કિસ્સો સામે આવ્યો છે જેમાં ફરિયાદ કરવા ગયેલ મહિલાને PSIએ હોટલમાં બોલાવી અને તેની સાથે જબરજસ્તી કરી હોવાના આક્ષેપ સાથે મહિલાએ વાડજ પોલીસ સ્ટેશનમાં ફરિયાદ નોધાવી છે.

અમદાવાદ: શહેરના વાડજ પોલીસ સ્ટેશનમાં એક ફરિયાદી મહિલાએ પોતાના પતિ ગુમ થયાની ફરિયાદ વાડજ પોલીસ સ્ટેશનમાં અરજી કરી હતી. જે મામલે જૂના વાડજ પોલીસ ચોકીમાં તેમને જવાબ લખાવવા માટે બોલાવ્યાં હતાં.જે દરમિયાન PSI મિશ્રા ચોકી પર ઉપર આવ્યાં હતાં અને ફરીયાદી મહિલાને ઈશારો કરી એકાઉન્ટ રૂમમાં મળવા બોલાવ્યાં હતાં.

ફરિયાદી મહિલા સાથે હોટલના રૂમમાં જબરજસ્તી કરનાર વાડદ PSI વિરુદ્ધ ફરિયાદ

બાદમાં મહિલાને PSIએે એપલ વૂડ હોટલમાં પણ મળવા બોલાવ્યાં હતાં. ફરિયાદીએ ના પાડતાં તેમને કરેલ અરજીના કામે મળવું છે તેમ કહીને બોલાવ્યાં હતાં અને PSI મિશ્રાએ કપડાં કાઢી મહિલા સાથે જબરજસ્તી દુષ્કર્મ આચરવાની કોશિશ કરી હતી. પરંતુ મહિલા ત્યાંથી નીકળી ગઈ હતી. જે બાદ આ મામલે ફરિયાદ ન કરવા PSI મિશ્રા અને PSI એ.પી.પરમારે ધમકી આપી હતી અને ફરિયાદ કરશે તો મહિલાના દીકરાને જાનથી મારી નાખવાની ધમકી આપી હતી. સમગ્ર મામલે મહિલાએ વાડજ પોલીસ સ્ટેશનમાં બંને PSI વિરુદ્ધ ફરિયાદ નોધાવી છે. જે મામલે પોલીસ દ્વારા તપાસનો ધમધમાટ શરુ કરવામાં આવ્યો છે.