અમદાવાદમાં ABVPએ યુનિવર્સિટીના કુલપતિનું બેસણું કરી નોંધાવ્યો વિરોધ

ગુજરાત યુનિવર્સિટીમાં પ્રવેશ પ્રક્રિયાને લઇ abvp સંગઠન સતત વિરોધ નોંધાવી રહ્યું છે abvp દ્વારા શરૂઆતમાં કુલપતિના મગજનું ઓપરેશન કરાયું ત્યારબાદ તેમની સ્મશાનયાત્રા કાઢીને વિરોધ નોંધાવ્યો અને આખરે આજે કુલપતિ અને રજિસ્ટ્રારનું બેસણું કરી વિરોધ નોંધાવ્યો હતો. જોકે વિરોધ દરમિયાન પોલીસ દ્વારા તમામ કાર્યકર્તાઓને અટકાયત કરી દેવામાં આવી હતી.

અમદાવાદઃ ગુજરાત યુનિવર્સિટીમાં છેલ્લા કેટલાય દિવસોથી વિદ્યાર્થી સંગઠન abvp દ્વારા પ્રવેશ પ્રક્રિયામાં ગરબડ હોવાના કારણે સતત વિરોધ નોંધાવામાં આવી રહ્યો છે. ગુજરાત યુનિવર્સિટી દ્વારા પ્રવેશ પ્રક્રિયામાં ખાનગી કંપનીને કોન્ટ્રાક્ટ આપી ઓનલાઈન સિસ્ટમ કરવામાં આવતા abvp સંગઠન સતત વિરોધ નોંધાવ્યો આવ્યો છે.

અમદાવાદ - ABVPએ આજે કુલપતિનું બેસણું કરી નોંધાવ્યો વિરોધ

abvp દ્વારા શરૂઆતમાં કુલપતિ હિમાંશુ પંડ્યાના મગજનું ઓપરેશન કરવામાં આવ્યું છે. જેમાં abvp દ્વારા મગજના ઓપરેશનનું નાટ્ય રૂપાંતર કરી કોંગ્રેસ સાથેની સાંઠગાંઠ તથા રૂપિયાની લેતીદેતી જેવા આક્ષેપો કરવામાં આવ્યાં હતાં. મગજનું ઓપરેશન કર્યા બાદ સંગઠન એબીવીપી દ્વારા કુલપતિની સ્મશાનયાત્રા કાઢી વિરોધ નોંધાવવામાં આવ્યો હતો.

જો કે, એબીવીપી દ્વારા મગજનું ઓપરેશન સ્મશાનયાત્રા અને ત્યારબાદ હવે કુલપતિ અને રજિસ્ટ્રારનું બેસણું કરી વિરોધ નોંધાવવામાં આવ્યો હતો. ગુજરાત યુનિવર્સિટીના ગેટ પાસે બેસણું આયોજિત કરી કુલપતિ અને રજિસ્ટ્રારને ફૂલહાર કરી શ્રદ્ધાંજલી પાઠવતો વિરોધ નોંધાવ્યો હતો. જે દરમિયાન પોલીસ દ્વારા તમામ કાર્યકર્તાઓને અટકાયત કરી દેવામાં આવી હતી.