અમદાવાદ: ફૂડ એન્ડ ડ્રગ્સ વિભાગે કોરોનાની સારવાર માટે વપરાતા ટોસિલિઝુમેબ ઇન્જેક્શન જે કોરોના પોઝિટિવ દર્દીઓની સારવાર માટે વપરાય છે તેવા નકલી ઇન્જેક્શન બજારમાં વેંચતાં હોવાનું રાજ્યવ્યાપી કૌભાંડ ઝડપી પાડ્યું હતું. આ કૌભાંડમાં સુરતના સોહેલ તાઈ નામના યુવકની સંડોવણી સામે આવી હતી. આ મામલે અગાઉ વસ્ત્રાપુર પોલીસે બે આરોપીઓની ધરપકડ કરી હતી. જે બાદ સમગ્ર મામલાની તપાસ ક્રાઇમ બ્રાન્ચને અપાઈ હતી. ક્રાઇમ બ્રાન્ચે આ મામલે વધુ 3 આરોપીઓની અટકાયત કરી હતી જેમાં સુરતના સોહેલ તાઈ તેમ જ અમદાવાદના બે ઇસમોની અટકાયત કરાઈ છે.
અમદાવાદ: નકલી ઇન્જેક્શન કૌંભાંડ મામલે ક્રાઇમ બ્રાન્ચે વધુ 3ની અટકાયત કરી સુરતનો આરોપી સોહેલ તાઈ અમદાવાદના નીલેશ લાલીવાલાને ગેરકાયદે રીતે બોડી બિલ્ડીંગ માટે વપરાતા સ્ટીરોઈડ ઇન્જેક્શન આપતો હતો..જે ઇન્જેક્શન પર નામ બદલીને ટોસિલિઝુમેબ કરીને વેચવામાં આવતાં હતાં. સોલા સિવિલમાં કોરોનાની સારવાર લેતાં દર્દીને આ આરોપીઓએ 1.35 લાખમાં ઇન્જેક્શન આપ્યું હોવાનું પણ તપાસમાં ખુલ્યું છે. આ ગુનામાં મુખ્ય આરોપી હર્ષ ઠાકોરની અગાઉ ધરપકડ કરી લેવામાં આવી હતી ત્યારે તેના પિતા અને ભાઈ એસવીપી હોસ્પિટલમાં આસપાસ જ નોકરી કરતાં હતાં જેથી ટોસિલિઝુમેબ ઇન્જેક્શન એસવીપીમાંથી અપાવી દેવાનું કહીને આરટીઓ સર્કલ પાસે મા મેડિકલ સ્ટોર ધરાવતાં આશિષ શાહ અને અક્ષય શાહને 12 હજારનું સ્ટેરોઇડ્સનું ઇન્જેક્શન નામ 80 હજારમાં વેચ્યું જેમાં 55 હજાર રૂપિયા વધારીને આ ઇન્જેક્શન દર્દીને આપવામાં આવ્યું હોવાની હકીકત સામે આવી છે.
અમદાવાદ: નકલી ઇન્જેક્શન કૌંભાંડ મામલે ક્રાઇમ બ્રાન્ચે વધુ 3ની અટકાયત કરી ક્રાઇમ બ્રાન્ચે સુરતના સોહેલ તાઈની અટકાયત કરીને તેની પાસેથી જુદી જુદી કંપનીના નામવાળા સ્ટીરોઈડ ઇન્જેક્શન તેમજ દવા અને નામ વગરનાં સ્ટીરોઇડનો 7.38 લાખનો મુદ્દામાલ કબજેે કરી તમામ આરોપીઓની પૂછપરછ હાથ ધરી છે.. આરોપીઓએ અત્યાર સુધીમાં એક જ ઇન્જેક્શન વેચ્યું હોવાનું તપાસમાં સામે આવ્યું છે ત્યારે પકડાયેલા આરોપીઓએ અમદાવાદ સિવાય અન્ય કોઈ જગ્યાએ નકલી ઇન્જેક્શનનું વેચાણ કર્યું છે કે કેમ તે જોવું રહ્યું.
