કોરોના મહામારી વચ્ચે પણ 2300થી વધુ વિદેશી વિદ્યાર્થીઓએ Gujarat University માં એડમિશન માટે અરજી કરી

કોરોના માહામારી વચ્ચે પણ ગુજરાતમાં વિદેશી વિદ્યાર્થીઓ ( Foreign Students in Gujarat ) અભ્યાસ માટે આવવા તત્પર છે. જેમાં ગુજરાત યુનિવર્સિટી ( Gujarat University ) માં આગામી શૈક્ષણિક વર્ષ માટે 2300થી વધુ વિદ્યાર્થીઓએ અરજી કરી છે. Gujarat University સહિતની દેશની યુનિવર્સિટીમાં અભ્યાસ કરવા માટે વિદેશી વિદ્યાર્થીઓએ ઇન્ડીયન કાઉન્સીલ ફોર કલ્ચરલ રિસર્ચ ( Indian Council for Cultural Research ) હેઠળ અરજી કરવાની રહે છે.

• વિદેશી વિદ્યાર્થીઓ ગુજરાતમાં ( Foreign Students in Gujarat ) અભ્યાસ માટે તત્પર
• Gujarat University માં આગામી શૈક્ષણિક વર્ષ માટે 2300થી વધુ વિદ્યાર્થીઓએ અરજી કરી
• વિદેશી વિદ્યાર્થીઓએ Indian Council for Cultural Research હેઠળ અરજી કરવાની હોય છે
  
  
  

અમદાવાદ : આ વર્ષે ગુજરાત યુનિવર્સીટી ( Gujarat University ) માં અભ્યાસ કરવાનો વિદેશી વિદ્યાર્થીઓનો ધસારો વધ્યો છે. Gujarat University દ્વારા છેલ્લા બે વર્ષમાં એરોનોટિક્સ ( Aeronautics ), આર્ટિફીશયલ ઇન્ટેલિજન્સ ( Artificial Intelligence ), મશિન લર્નીગ ( Machine Learning ), ડેટા સાયન્સ ( Data Science ), હ્યુમન જીનેટીક્સ ( Human Genetics ), બાયો ઇન્ફોર્મેટિક્સ ( Bio Informatics ) સહિતના વિવિધ અભ્યાસક્રમો શરૂ કર્યા છે. જેની માગ માત્ર ભારતમાં જ નહિં પરંતુ સમગ્ર વિશ્વમાં વધી છે. જેને લઇને આ વર્ષ માટે 2300થી વધુ વિદેશી વિદ્યાર્થીઓએ Gujarat University માં અભ્યાસ માટે અરજી કરી છે.

સૌથી વધુ આફ્રિકન દેશોના વિદ્યાર્થીઓ

વર્ષ 2018-19માં 35 વિદ્યાર્થીઓ, વર્ષ 2019-20માં 51 વિદ્યાર્થીઓ જ્યારે વર્ષે 2020-21માં 151 વિદેશી વિદ્યાર્થીઓ ગુજરાત યુનિવર્સિટી ( Gujarat University ) કેમ્પસમાં અભ્યાસ કરી રહ્યા છે. જ્યારે ખાસ કરીને અફઘાનિસ્તાન, બાંગ્લાદેશ અને આફ્રિકન દેશોના વિદ્યાર્થીઓ મોટી સંખ્યામાં અભ્યાસ અર્થે આવ્યા છે.