મુંબઈ : ચાલુ સપ્તાહની શરૂઆત સાથે રોકાણકારોને ફટકો પડ્યો છે. આજે ભારતીય શેરબજારના બંને મુખ્ય સૂચકાંક BSE Sensex અને NSE Nifty આજે અનુક્રમે 65,787 અને 19,731 પોઈન્ટના મથાળે સપાટ ખુલ્યા હતા. ત્યારબાદ બજાર સતત ઘટતું રહ્યું હતું. સતત નબળા વલણને જાળવી રાખી BSE Sensex અને NSE Nifty ટ્રેડિંગ સેશનના અંતે અનુક્રમે 139 અને 38 પોઈન્ટ ઘટીને બંધ થયા હતા. જ્યારે Nifty Bank અને IT ગ્રીન ઝોનમાં બંધ થયા છે.
BSE Sensex : આજે 20 નવેમ્બર સોમવારના રોજ BSE Sensex ગતરોજના 65,794 બંધની સામે 65,787 ના મથાળે સપાટ ખુલ્યો હતો. બજારની શરુઆતમાં સારી શરૂઆત સાથે 65,844 પોઈન્ટની ડે હાઈ બનાવી હતી. પરંતુ ત્યારબાદ અચાનક 297 પોઈન્ટની ડૂબકી મારી BSE Sensex 64,547 પોઈન્ડ ડાઉન ગયો હતો. ત્યારબાદ સતત વેચવાલીના પગલે સતત નબળું વલણ રહેતા ટ્રેડિંગ સેશનના અંતે BSE Sensex ઈન્ડેક્સ 139 પોઈન્ટ તૂટીને 65,655 ના મથાળે બંધ રહ્યો હતો. જે 0.21 ટકાનો ઘટાડો દર્શાવે છે.
NSE Nifty : આજના ટ્રેડિંગ સેશનના અંતે NSE Nifty ઈનડેક્સ લગભગ 38 પોઈન્ટ (0.19 %) ઘટીને 19,694 પોઈન્ટ પર બંધ થયો હતો. ઉલ્લેખનિય છે કે, NSE Nifty ઈનડેક્સ આજે કોઈપર વધારા-ઘટાડા વગર 19,731 ના મથાળે ખુલ્યો હતો. ત્યારબાદ શરુઆતી કારોબારમાં રિકવરી નોંધાવીને 19,756 પોઈન્ટની ડે હાઈ બનાવી હતી. પરંતુ ત્યારબાદ અચાનક 86 પોઈન્ટની ડૂબકી મારી 19,670 પોઈન્ટ સુધી ડાઉન ગયો હતો. દિવસ દરમિયાન વિદેશી ફંડના સેલિંગ પ્રેશર વચ્ચે ઈન્ડેક્સ સતત નીચે રહ્યો હતો.
ટોપ ગેઈનર શેર : સૌથી વધુ ઊંચકાયેલા શેરમાં ભારતી એરટેલ (1.44 %), HCL ટેક (1.41 %), વિપ્રો (1.16 %), ટેક મહિન્દ્રા (0.63 %) અને મારુતિ સુઝુકી (0.62 %)નો સમાવેશ થાય છે.
ટોપ લુઝર શેર : જ્યારે સૌથી વધુ ગગડેલા શેરોમાં બજાજ ફાઇનાન્સ (-2.01 %), એમ એન્ડ એમ (-1.91 %), અલ્ટ્રાટેક સિમેન્ટ (-1.37 %), બજાજ ફિનસર્વ (-1.05 %) અને એચયુએલ (-0.97 %)નો સમાવેશ થાય છે.
ADR : આજે શેરબજારનો એડવાન્સ ડેકલાઈન રેશિયો નેગેટિવ રહ્યો હતો. આજે નેશનલ સ્ટોક એક્સચેન્જમાં 1004 શેરના ભાવ વધ્યા હતા. જેની સામે 1138 શેરના ભાવ ઘટ્યા હતા. જોકે, BSE સેન્સેક્સમાં સૌથી વધુ એક્ટિવ શેરમાં ભારતી એરટેલ, HDFC બેંક, રિલાયન્સ અને SBI ના સ્ટોક રહ્યા હતા.
