અમદાવાદ: વૈશ્વિક બજારોમાં મજબૂત વલણ વચ્ચે સ્થાનિક શેરબજારે પાછલા ટ્રેડિંગ દિવસે તેની ગતિ જાળવી રાખી હતી. સેન્સેક્સ અને નિફ્ટી બુધવારે તેજી સાથે ખુલ્યા હતા. આ દરમિયાન શેર પર આધારિત BSE સેન્સેક્સ 104 પોઈન્ટ વધીને 58,179.17 પોઈન્ટ પર પહોંચ્યો હતો. તે જ સમયે, NSE નિફ્ટી 30 પોઈન્ટ વધીને 17,137.60 પોઈન્ટ પર કારોબાર કરી રહ્યો છે.
નફાકારક અને નુકસાન: બજાજ ફાઇનાન્સ, મહિન્દ્રા એન્ડ મહિન્દ્રા, અલ્ટ્રાટેક સિમેન્ટ, લાર્સન એન્ડ ટુબ્રો, એચસીએલ ટેક્નોલોજીસ, બજાજ ફિનસર્વ, ટાટા મોટર્સ, ઇન્ડસઇન્ડ બેંક અને ટાટા સ્ટીલ સેન્સેક્સમાં નફામાં ટ્રેડ થઈ રહ્યા હતા. બીજી તરફ પાવર ગ્રીડ, કોટક મહિન્દ્રા બેંક, NTPC, HDFC બેંક અને HDFC રેડમાં હતા.
આ પણ વાંચો: Google Layoff 2023: ગુગલે મેટરનિટી લીવની બાકીની ચૂકવણી કરવાનો કર્યો ઇનકાર
બજારનું વલણ: એશિયન બજારોમાં સિઓલ, જાપાન, હોંગકોંગ અને શાંઘાઈ બજારો લાભ સાથે ટ્રેડ થઈ રહ્યા હતા. અમેરિકન બજારો પણ મંગળવારે સારા ઉછાળા સાથે બંધ થયા છે. છેલ્લા ટ્રેડિંગ સેશનમાં, મંગળવારે BSEના 30 શેરો વાળા પ્રમુખ ઈન્ડેક્સ સેન્સેક્સ 445.73 આંક એટલે કે 0.77 ટકાના વધારા સાથે 58,074.68ના સ્તર પર બંધ થયો હતો. નેશનલ સ્ટોક એક્સચેન્જ નિફ્ટી પણ 119.10 પોઈન્ટ એટલે કે 0.70 ટકાના વધારા સાથે 17,107.50 પોઈન્ટ પર બંધ થયો હતો.
આ પણ વાંચો: Adani news: અદાણી ગ્રૂપનો મોટો નિર્ણય, 34,900 કરોડનો પેટ્રોકેમિકલ પ્રોજેક્ટ અટક્યો
રૂપિયો 3 પૈસા નબળો: દરમિયાન વૈશ્વિક તેલ બેન્ચમાર્ક બ્રેન્ટ ક્રૂડ 0.58 ટકા ઘટીને બેરલ દીઠ $ 74.88 પર હતું. શેરબજારના ડેટા અનુસાર, મંગળવારે વિદેશી પોર્ટફોલિયો રોકાણકારોએ રૂપિયા 1,454.63 કરોડના શેરનું વેચાણ કર્યું હતું. મંગળવારે અમેરિકાના ડોલરની સરખામણીએ રૂપિયા 3 પૈસા નબળા પડી 82.67 રૂપિયા પર બંધ થયો હતો. સોમવારે તે 82.64 રૂપિયા પર બંધ થયો હતો.
આ પણ વાંચો: Ratan Tata News: ટોચના ઉદ્યોગપતિ રતન તાતાની યશકલગીમાં વધારો, ઑસ્ટ્રેલિયા કરશે તેમનું સન્માન
(PTI)
