નવી દિલ્હી: સંચાર મંત્રાલય હેઠળના નેશનલ બ્રોડબેન્ડ મિશન (NBM) એ શનિવારે ટ્વિટ કર્યું હતું કે, વડા પ્રધાન નરેન્દ્ર મોદી 1 ઓક્ટોબરે ભારતમાં 5G સેવાઓ (Modi to launch 5G Services) શરૂ કરશે, કારણ કે તે જ દિવસે ઇન્ડિયા મોબાઇલ કોંગ્રેસ (IMC) શરૂ થશે. જોકે, માઇક્રો બ્લોગિંગ પ્લેટફોર્મ પર NBM હેન્ડલ પરથી ટ્વીટ થોડી જ વારમાં ગાયબ થઈ ગઈ. 5G સેવામાં (5G Services in India launch) ડેટા મોકલવાની અને પ્રાપ્ત કરવાની ઝડપ પહેલા કરતા વધુ ઝડપી થવા જઈ રહી છે. આનાથી લોકોનો સમય તો બચશે જ, પરંતુ નવા યુગની ઘણી એપ્લીકેશનનો પણ સરળતાથી ઉપયોગ કરી શકાશે. 5G ની મદદથી, ગ્રાહકનો અનુભવ પહેલા કરતા વધુ સારો થશે, અને હવે તે ટ્રાન્ઝેક્શનથી લઈને ફાઇલોને ડાઉનલોડ અથવા અપલોડ કરવા સુધી નહિવત સમય લેશે.
5G સેવાઓ શરૂ:ભારતના ડિજિટલ ટ્રાન્સફોર્મેશન અને કનેક્ટિવિટીને નવી ઊંચાઈઓ પર લઈ જતા, PM narendramodi ભારતમાં 5G સેવાઓ શરૂ કરશે. ઉદ્યોગના સૂત્રોના જણાવ્યા અનુસાર, દેશ હજુ 1 ઓક્ટોબરથી 5G સેવાઓ શરૂ કરવા માટે તૈયાર ન હોઈ શકે અને નવી ટેક્નોલોજીને લાગુ થવા માટે હજુ થોડા દિવસોની જરૂર પડી શકે છે.
ઈન્ડિયા મોબાઈલ કોંગ્રેસ: લાલ કિલ્લા પરથી તેમના સ્વતંત્રતા દિવસના સંબોધન દરમિયાન વડા પ્રધાને કહ્યું હતું કે, ભારતમાં ટૂંક સમયમાં 5G સેવાઓ શરૂ કરવામાં આવશે. ડિપાર્ટમેન્ટ ઓફ ટેલિકોમ્યુનિકેશન્સ (DoT) અને સેલ્યુલર ઓપરેટર્સ એસોસિએશન ઓફ ઈન્ડિયા (COAI) દ્વારા સંયુક્ત રીતે આયોજિત, ઈન્ડિયા મોબાઈલ કોંગ્રેસ (IMC) ની છઠ્ઠી આવૃત્તિ 1 થી 4 ઓક્ટોબર દરમિયાન નવી દિલ્હીના પ્રગતિ મેદાન ખાતે યોજાશે. આઇટી પ્રધાન અશ્વિની વૈષ્ણવે ગયા મહિને કહ્યું હતું કે, સરકાર 12 ઓક્ટોબર સુધીમાં દેશમાં 5G સેવાઓ શરૂ થવાની અપેક્ષા રાખે છે, અને કેન્દ્ર ખાતરી કરશે કે, ગ્રાહકો લહેલાઈથી ખરીદી શકશે છે. વૈષ્ણવે જણાવ્યું હતું કે, 5G સેવાઓના સીમલેસ રોલઆઉટ સાથે ઇન્સ્ટોલેશન થઈ રહ્યું છે અને ટેલિકોમ કામગીરી વ્યસ્ત છે.
કયા શહેરોમાં 5G: સસરકાર સુનિશ્ચિત કરશે કે, 5G યોજનાઓ લોકો માટે પરવડે તેવી રહે. 5G સેવાઓ તબક્કાવાર રીતે શરૂ કરવામાં આવશે અને પ્રથમ તબક્કા દરમિયાન 13 શહેરોને 5G ઇન્ટરનેટ સેવાઓ મળવાની સંભાવના છે. અમદાવાદ, બેંગલુરુ, ચંદીગઢ, ચેન્નાઈ, દિલ્હી, ગાંધીનગર, ગુરુગ્રામ, હૈદરાબાદ, જામનગર, કોલકાતા, લખનૌ, મુંબઈ અને પુણે શહેરોનો સમાવેશ થાય છે. 3G અને 4G ની જેમ જ telcos ટૂંક સમયમાં સમર્પિત 5G ટેરિફ પ્લાનની જાહેરાત કરશે અને ઉદ્યોગના નિષ્ણાતોના જણાવ્યા અનુસાર ગ્રાહકો તેમના ઉપકરણો પર 5G સેવાઓને ઍક્સેસ કરવા માટે વધુ ચૂકવણી કરી શકે છે.
