નવી દિલ્હી: સરકારે ચાલુ નાણાકીય વર્ષના એપ્રિલ-જૂન સમયગાળા માટે બાકી GST વળતર માટે રુપિયા 17,000 કરોડ બહાર પાડ્યા છે. (CENTRE RELEASES RS 17000 CR AS GST COMPENSATION )સત્તાવાર સૂત્રોએ જણાવ્યું હતું કે 2022-23 દરમિયાન ઉપરોક્ત રકમ સહિત, રાજ્યોને અત્યાર સુધીમાં જાહેર કરાયેલ વળતરની કુલ રકમ 1,15,662 કરોડ રૂપિયા છે.
પોતાના સંસાધનો: ઓક્ટોબર, 2022 સુધી કુલ ટેક્સ કલેક્શન માત્ર રૂપિયા 72,147 કરોડ છે અને બાકીના રૂપિયા 43,515 કરોડ કેન્દ્ર દ્વારા તેના પોતાના સંસાધનોમાંથી બહાર પાડવામાં આવી રહ્યા છે. નાણા મંત્રાલયે એક નિવેદનમાં જણાવ્યું હતું કે, "આ સાથે, સરકારે રાજ્યોને વળતરની ચૂકવણી માટે આ વર્ષના માર્ચના અંત સુધીમાં અંદાજિત કરની સંપૂર્ણ રકમ અગાઉથી બહાર પાડી દીધી છે."
સંચાલનમાં મદદ: રાજ્યોને તેમના સંસાધનોના સંચાલનમાં મદદ કરવા અને નાણાકીય વર્ષ દરમિયાન તેમના કાર્યક્રમો, ખાસ કરીને મૂડી ખર્ચ, સફળતાપૂર્વક ખર્ચવામાં આવે તેની ખાતરી કરવા માટે આ નિર્ણય લેવામાં આવ્યો હતો.
