સવારે 9.50 વાગ્યે સેનસેક્સ ગયા સપ્તાહ કરતા 219.16 અંક એટલે કે 0.53 ટકા વધીને 41,818.88 પર કારોબાર કરી રહ્યો હતો. આ ઉપરાંત નિફ્ટી 59.45 અંક એટલે કે 0.49 ટકાની તેજી સાથે 12,316 પર હતું.
આ પહેલા BSEના 30 શેર પર આધારિત સેનસેક્સ સવારે 188.89 અંકોની તેજી સાથે 41,788.21 પર ખુલ્યું અને 41,893.41 સુધી ઉછળ્યું હતું, જે અત્યાર સુધીનું સૌથી ઉંચુ સ્તર છે.
NSEના 50 શેર પર આધારિત નિફ્ટી છેલ્લા સત્રની સરખામણીએ 40 અંકના વધારા સાથે 12,296.70 પર ખુલ્યું અને 12,337.75 સુધી ઉછળ્યું હતું, જે અત્યાર સુધી નિફ્ટીનું સૌથી ઉંચુ સ્તર છે.
