MSME કોરોના વાઈરસના કારણે આવેલા આર્થિક સંકટમાંથી બહાર નીકળી જશે: ગડકરી

કેન્દ્રીય પ્રધાન નીતિન ગડકરીએ જણાવ્યું હતું કે, લોકડાઉનથી થતાં નુકસાનને પહોંચી વળવા MSME ઘરેલું ઉત્પાદનમાં વધારો કરશે અને સરકારના સહયોગથી ઘરેલું ઉત્પાદન વધારીને ચીનમાંથી કરવી પડતી આયાતમાં ઘટાડો કરશે.

નવી દિલ્હી: MSME ક્ષેત્ર લોકડાઉનને કારણે થતાં ભારે ફટકો પર કાપ મૂકશે અને સરકારના ટેકાથી ઘરેલું ઉત્પાદન વધારીને ચીની આયાતની પરાધીનતામાં ઘટાડો કરશે, એમ કેન્દ્રીય પ્રધાન નીતિન ગડકરીએ જણાવ્યું છે.

એક વીડિયો-કોન્ફરન્સમાં, MSME પ્રધાને જણાવ્યું કે, સરકાર કામકાજની મૂડી તંગી અને પરવડે તેવા ધિરાણની પ્રાપ્તિ જેવા પ્રશ્નોના સમાધાન માટે યુદ્ધના ધોરણે કામ કરી રહી છે, કારણ કે લાખો યુનિટ નુકસાનીમાં ચાલી રહ્યા છે.

ગડકરીએ કહ્યું કે, વડાપ્રધાન કાર્યાલય દ્વારા રચાયેલી સમિતિઓ જમીનની પરિસ્થિતિનું નિરીક્ષણ કરી રહી છે. સામાન્ય કામગીરી શરૂ થવા માટે અમુક ક્ષેત્રોમાં લોકડાઉન હટાવવામાં આવે કે નહીં તે અંગે સુચન કરશે. શક્ય હોય ત્યાં કામ શરૂ થવું જોઈએ.

MSME પ્રધાને જણાવ્યું કે, આગામી દિવસોમાં લગભગ 8-10 લાખ એકમોનું પુનર્ગઠન કરવામાં આવશે. માલિકોએ તેમના કામદારોની સંભાળ લેવી પડશે અને કામ પર પાછા ફર્યા બાદ યોગ્ય સેનિટેશન માટેની પદ્ધતિઓ અમલમાં મૂકવી પડશે.

ગડકરીએ માહિતી આપતા કહ્યું કે, 10,000 કરોડ રૂપિયાના ફંડ ઓફ ફંડ નાણા સમિતિ દ્વારા મંજૂરી આપવામાં આવી છે. મંજૂરી માટે કેન્દ્રીય પ્રધાનમંડળ સમક્ષ રજૂ કરવામાં આવશે. આ ભંડોળ MSMEને મૂડી બજારમાંથી નાણાં એકત્રિત કરવામાં મદદ કરશે, કારણ કે તેમની ઈક્વિટીનો એક ભાગ સરકાર દ્વારા ખરીદવામાં આવશે.

કેન્દ્રીય પ્રધાને જણાવ્યુંં કે, અમે MSMEને મૂડી બજારમાં પ્રવેશ કરવા અને વિદેશી રોકાણો આકર્ષવા મોટા પાયે ઉત્પાદન દ્વારા ક્ષેત્રમાંથી નિકાસ વધારવા અને રોજગારી ઉભીલ કરવા માટે પ્રોત્સાહિત કરીશું. સૂક્ષ્મ, નાના અને મધ્યમ ઉદ્યોગોને લગતી સમસ્યાઓથી સરકાર સારી રીતે વાકેફ છે, અને નાણાપ્રધાન દ્વારા જાહેર કરાયેલા પેકેજો આ ક્ષેત્ર માટે પુન:પ્રાપ્તિ કરવામાં આવશે.

ગડકરીએ જણાવ્યું કે, ભારતીય રિઝર્વ બેંક દ્વારા નિયુક્ત યુકે સિંહા સમિતિની ભલામણોનો અમલ ટૂંક સમયમાં કરવામાં આવશે. તેમણે જિલ્લા અધિકારીઓને બેંકોમાં જઇને કાગળની કામગીરી અને લોનની કાર્યવાહી શક્ય તેટલી ઝડપથી પુરી કરવાની સુચના આપી છે, અને MSME ક્ષેત્રની ક્રેડિટની સમસ્યામાં ઘટાડો કરવા માટે શાખા મુજબની દેખરેખ ચાલી રહી છે.

દેશભરના આશરે 20 લાખ પરપ્રાંતિય મજૂરોના આશ્રય ઘરોમાં રહેતા અહેવાલોનો સંદર્ભ આપતા, ગડકરીએ સ્વીકાર્યું કે, આ એક ગંભીર મુદ્દો છે, રાજ્ય સરકારોએ તેમના સલામત વળતર તરફ માર્ગદર્શિકા વિકસાવવી પડશે અને ફેક્ટરી માલિકોને ફરીથી નિર્માણ માટે પગલાં લેવા પડશે.

વાઈરસના પ્રકોપના પગલે ઘણા દેશો ભારત પાસેથી તબીબી ઉપકરણો, માસ્ક અને વેન્ટિલેટર ખરીદવામાગે છે. આ બાબતે પ્રધાને જણાવ્યું હતું કે, દેશના MSME માટે ઉત્પાદન ક્ષમતા વધારવાની આ એક સુવર્ણ તક છે.