નવી દિલ્હી: સુપ્રીમ કોર્ટે અદાલતના અવમાનના કેસમાં 2017માં પસાર કરાયેલા આદેશ પર પુનર્વિચારણા કરવાની વિનંતી કરતા ઉદ્યોગપતિ વિજય માલ્યાની અરજી પર ગુરુવારે પોતાનો ચૂકાદો સુરક્ષિત રાખ્યો છે. . ભાગેડુ ઉદ્યોગપતિ માલ્યાએ 9 મે, 2017 ના રોજ સર્વોચ્ચ અદાલતના આદેશ પર પુનર્વિચારણા કરવા માટે અરજી કરી હતી, જેણે તેમને ન્યાયિક હુકમોને ધ્યાનમાં ન લેતા અને તેમના બાળકોના ખાતામાં 4 કરોડ અમેરિકન ડોલર સ્થાનાંતરિત કરવા બદલ અદાલતના અવમાનના કરવાનો દોષી ઠેરાવવમાં આવ્યો હતો.
ન્યાયમૂર્તિ યૂ.યૂ. લલિત અને ન્યાયાધીશ અશોક ભૂષણએ આ કેસમાં દલીલો સાંભળ્યા બાદ ચૂકાદો અનામત રાખ્યો હતો. કોર્ટે જૂન મહિનામાં તેમની રજિસ્ટ્રીને જણાવ્યું હતું કે, માલ્યાની પુનર્વિચાર અરજી છેલ્લા ત્રણ વર્ષમાં સંબંધિત કોર્ટ સમક્ષ કેમ સૂચિબદ્ધ કરવામાં આવી ન હતી. તેમણે રજિસ્ટ્રીને છેલ્લા ત્રણ વર્ષમાં અરજી સાથે સંબંધિત ફાઇલ જોનારા અધિકારીઓના નામ સહિતની તમામ માહિતી પ્રદાન કરવા જણાવ્યું હતું.
બેન્ક સાથે 9 હજાર કરોડ રૂપિયાની છેપરપિંડી કરનાર માલ્યા હાલ બ્રિટનમાં છે. સર્વોચ્ચ અદાલતે 2017માં સ્ટેટ બેન્ક ઓફ ઈન્ડિયાની આગેવાની હેઠળના બેંકોના ગ્રુપની અરજી પર આ આદેશ આપ્યો હતો. અરજીમાં જણાવાયું છે કે, માલ્યાએ વિવિધ ન્યાયિક આદેશોનું "ઉલ્લંઘન" કર્યુ છે અને બ્રિટીશ કંપની ડાયાજિયો પાસેથી મળેલા 4 કરોડ અમેરિકન ડોલર તેના બાળકોના ખાતામાં ટ્રાન્સફર કર્યા હતા.
