- સરકારી ઓઇલ કંપનીઓએ ગેસ સિલિન્ડરના ભાવમાં વધારો કર્યો
- 14.2 કિલો એલપીજી સિલિન્ડરના ભાવમાં 25 રૂપિયાનો વધારો
- MP માં ગેસ સિલિન્ડરની કિંમતમાં 25 રૂપિયાનો વધારો
મધ્યપ્રદેશ(ભોપાલ): સરકારી ઓઇલ કંપનીઓએ કોમર્શિયલ ગેસ સિલિન્ડરના ભાવમાં વધારો કર્યો છે. કેન્દ્ર સરકાર દ્વારા ગેસ સિલિન્ડરના ભાવમાં વધારો બાદ ઓઇલ માર્કેટિંગ કંપનીઓએ મંગળવારથી 14.2 કિલો એલપીજી સિલિન્ડરના ભાવમાં 25 રૂપિયાનો વધારો કર્યો છે. સિલિન્ડરની કિંમતોમાં વધારા પહેલા તેની કિંમત 840.50 રૂપિયા હતી, જે હવે વધીને 865.50 રૂપિયા થઈ ગઈ છે. જો એમપીની રાજધાનીમાં ઉપલબ્ધ ગેસ સિલિન્ડરની કિંમત દેશની રાજધાની દિલ્હી સાથે સરખાવવામાં આવે તો દિલ્હીમાં 14.2 કિલો બિન સબસિડીવાળા એલપીજી સિલિન્ડરની કિંમત હાલમાં 834.50 રૂપિયા છે. તે જ સમયે, MP માં ગેસ સિલિન્ડરની કિંમતમાં 25 રૂપિયાનો વધારો કર્યા પછી, તેની કિંમત 860 રૂપિયા થઈ જાય છે.
દેશમાં વધતી મોંઘવારી સામે કોંગ્રેસનો વિરોધ
દેશમાં વધતી મોંઘવારી સામે કોંગ્રેસ વિરોધ કરી રહી છે, વધતી જતી મોંઘવારી, પેટ્રોલ, ડીઝલ, રાંધણ ગેસ, ખાદ્ય ચીજો અને વધતી બેરોજગારીના વિરોધમાં ભોપાલ સહિત રાજ્યભરમાં કોંગ્રેસના કાર્યકરો સતત પ્રદર્શન કરી રહ્યા છે. ઉજ્જૈનમાં થોડા સમય પહેલા મહિલા કોંગ્રેસના કાર્યકરોએ ટાવર ચોક ખાતે પ્રદર્શન કર્યું હતું. મહિલા કોંગ્રેસના નેતૃત્વમાં પ્રદર્શનમાં અન્ય કોંગ્રેસ કાર્યકરોએ પણ ભાગ લીધો હતો. આ દરમિયાન, કોંગ્રેસના કાર્યકરોએ ગેસ સિલિન્ડરની પૂજા કરી અને તેને બળદ ગાડીમાં લઈ ગયા હતા.
આ પણ વાંચો: LPG Gas Cylinder Price: 73.5 રૂપિયા પ્રતિ સિલિન્ડરના ભાવમાં કરાયો વધારો
મોંઘવારીના મુદ્દે ગૃહમાં ભારે હોબાળો
આ વખતે મોંઘવારીના મુદ્દે ગૃહમાં ભારે હોબાળો મચ્યો હતો. કોંગ્રેસે સરકાર પર જનતાને લૂંટવાનો આરોપ લગાવ્યો હતો. આ મુદ્દે કોંગ્રેસના પૂર્વ પ્રધાન તરુણ ભનોટનું કહેવું છે કે, જનતા ચારે બાજુથી નારાજ છે. મોંઘવારીથી પીડિત લોકોને 200 રૂપિયા પ્રતિ લિટર તેલ મળી રહ્યું છે. ડીઝલ અને પેટ્રોલ પણ 100 રૂપિયાથી ઉપર વેચાય છે. જો કે, વિધાનસભામાં એવી માહિતી આપવામાં આવી હતી કે, કોંગ્રેસની કમલનાથ સરકારે પેટ્રોલ અને ડીઝલ પર વેટ વધાર્યો હતો અને શિવરાજ સરકારે તે જ દરો ચાલું રાખ્યા હતા.
આ વર્ષે 163.50 રૂપિયા મોંઘો થયો LPG સિલિન્ડર
આ વર્ષે 163.50 રૂપિયા મોંઘો થયો LPG સિલિન્ડર વર્ષ 2021ની શરૂઆતમાં એટલે કે જાન્યુઆરીમાં દિલ્હીમાં LPG સિલિન્ડરનો ભાવ 694 રૂપિયા હતો, જે ફેબ્રુઆરીમાં વધીને 719 રૂપિયા થઈ ગયો. 15 ફેબ્રુઆરીએ ભાવ વધીને 769 રૂપિયા થઈ ગયો ત્યારબાદ 25 ફેબ્રુઆરીના રોજ LPG સિલિન્ડરનો ભાવ 794 રૂપિયા કરી દેવામાં આવ્યો હતો. માર્ચમાં LPG સિલિન્ડરની પ્રાઈસ 819 રૂપિયા કરવામાં આવી છે. ત્યારે એપ્રિલના શરૂઆતમાં 10 રૂપિયાનો ઘટાડો કર્યા બાદ ઘરેલુ ગેસની કિંમત દિલ્હીમાં 809 રૂપિયા થઈ ગઈ હતી.
આ પણ વાંચો: દિલ્હીની જનતાને ઝટકો, LPG ગેસ સિલિન્ડરમાં 50 રૂપિયાનો વધારો
એક વર્ષમાં LPG સિલિન્ડરના ભાવમાં 165.50 રૂપિયાનો વધારો
એક વર્ષમાં LPG સિલિન્ડરના ભાવમાં 165.50 રૂપિયાનો વધારો થયો છે. જ્યારે ડિસેમ્બરથી લઈને અત્યાર સુધી લગભગ 275 રૂપિયા સિલિન્ડરનો ભાવ વધી ગયો છે. 1 ઓગસ્ટથી કોમર્શિયલ ગેસ સિલિન્ડરના ભાવ વધ્યા હતા. આ મહિનાની શરૂઆતમાં 19 કિલોગ્રામ કોમર્સિયસ ગેસ સિલિન્ડરના ભાવમાં 73.5 રૂપિયા પ્રતિ સિલિન્ડરનો વધારો થયો હતો.
છેલ્લા 7 વર્ષોમાં ગેસ સિલિન્ડરની કિંમત બમણી
જો કે ત્યારે ઘરેલુ રસોઈ ગેસ સિલિન્ડરની કિંમતોમાં વધારો કરવામાં ન હોતો આવ્યો. છેલ્લા 7 વર્ષોમાં ગેસ સિલિન્ડરની કિંમત બમણી થઈ છેલ્લા 7 વર્ષોમાં ઘરેલુ ગેસ સિલિન્ડર (14.2 કિલોગ્રામ)ની કિંમત બમણી થઈને 859.50 રૂપિયા પ્રતિ સિલિન્ડર થઈ ગઈ છે. 1 માર્ચ 2014ના રોજ 14.2 કિલોના ઘરેલુ ગેસ સિલિન્ડરની કિંમત 410.5 રૂપિયા હતી. જે હવે 859.5 રૂપિયા છે.
