- કોરોનાના (Corona) કહેર વચ્ચે ઝીકા વાઈરસ (Zika virus)ની રિ-એન્ટ્રી
- કેરળમાં 35 વર્ષીય મહિલા અને 41 વર્ષીય પુરૂષમાં જોવા મળ્યો ઝીકા વાઈરસ (Zika virus)
- વર્ષ 2015માં બ્રાઝિલમાં ઝીકા વાઈરસે (Zika virus) મહામારીનું સ્વરૂપ લીધું હતું
કોચ્ચીઃ કોરોના મહામારી (Corona epidemic)ના કહેર વચ્ચે હવે ઝીકા વાઈરસે (Zika virus) પણ માથું ઉંચક્યું છે. ત્યારે કેરળમાં ઝીકા વાઈરસના વધુ 2 કેસ નોંધાયા છે. કેરળમાં 35 વર્ષીય મહિલા અને 41 વર્ષીય પુરૂષમાં ઝીકા વાઈરસ (Zika virus) જોવા મળ્યો હતો. તો આ અંગે આરોગ્ય પ્રધાન વીના જ્યોર્જે (Health Minister Vina George) જણાવ્યું હતું કે, 35 વર્ષીય પુંથુરાની મહિલા અને સસ્થામંગલમના રહેવાસી 41 વર્ષીય એક પુરૂષમાં ઝીકા વાઈરસ જોવા મળ્યો છે. આ સાથે જ વધુ 2 કેસ નોંધાતા ઝીકા વાઈરસ (Zika virus)ના કુલ કેસની સંખ્યા 21 થઈ છે.
આ પણ વાંચો- Zika Virus: કોરોના વચ્ચે દેશમાં ઝીકા વાયરસની એન્ટ્રી, કેરળમાં મળ્યો પ્રથમ કેસ
24 વર્ષીય મહિલામાં પહેલો કેસ દેખાયો
કેરળમાં ઝીકા વાઈરસ (Zika virus)નો પહેલો કેસ 24 વર્ષીય ગર્ભવતી મહિલામાં જોવા મળ્યો હતો. રાજ્ય સરકારના જણાવ્યાનુસાર, નેશનલ ઈન્સ્ટિટ્યૂટ ઓફ વાઈરોલોજી (National Institute of Virology)એ અત્યાર સુધી 21 લોકોમાં ઝીકા વાઈરસ (Zika virus) દેખાયાની પુષ્ટિ કરી છે. ઝીકાના લક્ષણ ડેન્ગ્યુ જેવા છે, જેમાં તાવ, ચામડી પર ફોલ્લીઓ થવી અને સાંધાઓમાં દુખાવો થવો સામેલ છે.
આ પણ વાંચો- Zika Virus: કેરળમાં ઝીકા વાઈરસના કેસ નોંધાયા, જાણો શું છે ઝીકા વાઈરસના લક્ષણો?
કેન્દ્રની ટીમ કેરળ પહોંચી
રાજ્યના આરોગ્ય પ્રધાન વીણા જ્યોર્જે (Health Minister Vina George) જણાવ્યું હતું કે, ઝીકા વાઈરસ (Zika virus)ને રોકવા માટે કાર્યવાહી યોજના તૈયાર કરી છે. ગર્ભવતી મહિલાઓએ તાવ આવવા પર તપાસ કરાવવી જોઈએ. જ્યારે રાજ્યમાં એક કેન્દ્રિય આરોગ્ય મંત્રાલયની ટીમ (A team from the Union Ministry of Health) પણ પહોંચી છે. ટીમમાં 6 લોકો સામેલ છે.
ગર્ભવતી મહિલાઓને સૌથી વધુ જોખમ
ડોક્ટરે આ અંગે કહ્યું હતું કે, જો ગર્ભવતી મહિલામાં મચ્છરના માધ્યમથી ઝીકા વાઈરસ (Zika virus) પહોંચે તો તેના પેટમાં રહેલા બાળકના મગજને અસર કરી શકે છે. તેને માઈક્રોસેફેલી નામની બીમારી થઈ શકે છે. આમાં બાળકોના માથા અને મગજને સંપૂર્ણ રીતે વિકસિત ન થઈ શકે. ડોક્ટરે કહ્યું હતું કે, જો કોઈ મહિલા ઝીકાથી સંક્રમિત છે તો તે અત્યારે ગર્ભધારણ ન કરે અને જો પહેલાથી જ ગર્ભ છે તો તેના બચાવ પર ધ્યાન આપે જેથી સંક્રમણ તેના સુધી ન પહોંચી શકે.
ઝીકા વાઈરસ (Zika virus)થી આ રીતે બચો
ઝીકા વાઈરસ (Zika virus)થી બચવા માટે મચ્છરોથી બચો, શક્ય હોય તો મચ્છરદાનીનો ઉપયોગ કરો. ડોક્ટરે કહ્યું હતું કે, ડેન્ગ્યુની જેમ જ ઝીકામાં પણ હાઈગ્રેડ ફીવર હોય છે. પ્લેટલેટ્સ ઓછી થઈ જાય છે, પરંતુ આ તમામ લક્ષણોની સાથે ઝીકાથી સંક્રમિત લોકોની આંખો લાલ થઈ જાય છે. આ ઝીકાની સૌથી જૂની ઓળખ છે.
