WORLD CUP 2023 IND VS AFG : રોહિત શર્મા પાસે આજે અફઘાનિસ્તાન સામે સચિન અને ડી વિલિયર્સનો આ મોટો રેકોર્ડ તોડવાની તક

ICC વર્લ્ડ કપની 9મી મેચ આજે ભારત અને અફઘાનિસ્તાન વચ્ચે દિલ્હીના અરુણ જેટલી સ્ટેડિયમમાં રમાશે. ભારતીય ટીમના કેપ્ટન રોહિત શર્માને આ મેચમાં શાનદાર તક મળવા જઈ રહી છે. રોહિત સચિન તેંડુલકર, એબી ડી વિલિયર્સ, સૌરવ ગાંગુલી અને વિવ રિચર્ડ્સ જેવા દિગ્ગજોનો રેકોર્ડ તોડી શકે છે.

નવી દિલ્હીઃ ભારતીય ટીમના કેપ્ટન રોહિત શર્માને આજે અફઘાનિસ્તાન સામે શાનદાર ઇનિંગ રમવાની તક મળશે. રોહિત ઓસ્ટ્રેલિયા સામેની પોતાની પ્રથમ મેચમાં શૂન્ય પર આઉટ થયો હતો. હવે જો રોહિત દિલ્હીના અરુણ જેટલી સ્ટેડિયમમાં સારી બેટિંગ કરશે તો તે એક મોટો રેકોર્ડ પોતાના નામે કરી લેશે. આ મેચમાં રોહિત પાસે ODI વર્લ્ડ કપના ઈતિહાસમાં સૌથી ઝડપી 1000 રન બનાવનાર બેટ્સમેન બનવાની તક હશે. આ માટે તેણે માત્ર 12 રન બનાવવા પડશે.

• David Warner is the fastest player to score 1000 ODI runs in ODI World Cups. 🔥 pic.twitter.com/PDDnvXYOH3

  — CricTracker (@Cricketracker) October 8, 2023 " class="align-text-top noRightClick twitterSection" data="

  David Warner is the fastest player to score 1000 ODI runs in ODI World Cups. 🔥 pic.twitter.com/PDDnvXYOH3

  — CricTracker (@Cricketracker) October 8, 2023

  ">

  David Warner is the fastest player to score 1000 ODI runs in ODI World Cups. 🔥 pic.twitter.com/PDDnvXYOH3

  — CricTracker (@Cricketracker) October 8, 2023

રોહિત શર્મા પાસે શાનદાર તક : રોહિત શર્માએ વનડે વર્લ્ડમાં અત્યાર સુધી 18 ઇનિંગ્સમાં કુલ 978 રન બનાવ્યા છે. રોહિત 8 ઓક્ટોબરે ઓસ્ટ્રેલિયા સામે તેની 18મી ઇનિંગમાં શૂન્યના સ્કોર પર આઉટ થયો હતો અને આ રેકોર્ડ તોડવામાં ચૂકી ગયો હતો. હવે તેણે પોતાના 1000 રન પૂરા કરવા માટે માત્ર 22 રન બનાવવાના છે. જો રોહિત અફઘાનિસ્તાન સામે 22 રનની ઇનિંગ રમશે તો તે સચિન તેંડુલકર, એ.બી.ડી વિલિયર્સ, વિવી રિચર્ડ્સ અને સૌરવ ગાંગુલી જેવા દિગ્ગજોને પાછળ છોડી દેશે.

રોહિત આ દિગ્ગજોને પાછળ છોડશે : ODI વર્લ્ડ કપમાં સચિન તેંડુલકર અને એબી ડી વિલિયર્સે પોતાના 1000 રન પૂરા કરવા માટે 20-20 ઇનિંગ્સ લીધી હતી. જ્યારે વિવી રિચર્ડ્સ અને સૌરવ ગાંગુલીએ તેમના 1000 રન પૂરા કરવા માટે 21-21 ઇનિંગ્સ લીધી હતી. હવે રોહિત પાસે 19મી ઇનિંગ્સમાં આ દિગ્ગજો દ્વારા સૌથી ઝડપી 1000 રન બનાવવાના રેકોર્ડને પાછળ છોડીને નવો રેકોર્ડ બનાવવાની તક હશે.

રોહિત શર્માનું પ્રદર્શન : ડેવિડ વોર્નરે 8 ઓક્ટોબરે ચેન્નાઈમાં ભારત અને ઓસ્ટ્રેલિયા વચ્ચેની મેચમાં 19 ઈનિંગ્સમાં પોતાના 1000 રન પૂરા કર્યા હતા, જેના પછી તે ODI વર્લ્ડ કપના ઈતિહાસમાં સૌથી ઝડપી 1000 રન બનાવનાર બેટ્સમેન બની ગયો હતો. આ મેચમાં રોહિત પાસે વોર્નરને પાછળ છોડવાની તક હતી. પરંતુ હવે જો રોહિત અફઘાનિસ્તાન સામે 22 રન બનાવશે તો તે વોર્નર સાથે મળીને વનડે વર્લ્ડ કપમાં સૌથી ઝડપી 1000 રન બનાવનાર બેટ્સમેન બની જશે. રોહિતે અત્યાર સુધી 252 વનડે મેચોની 244 ઇનિંગ્સમાં 30 સદી અને 52 અડધી સદીની મદદથી 10112 રન બનાવ્યા છે.