ઉત્તરકાશી : છિતકુલની ટ્રેકિંગ પર ગયેલ બંગાળના ટ્રેકરનું ખીમલોગા ગ્લેશિયરમાં પડી જવાથી મૃત્યુ થયું છે(Bengal trekker dies in Uttarakhand). જ્યારે બે ટ્રેકર્સ ગંભીર રીતે ઇજાગ્રસ્ત થયા છે. બંને ઇજાગ્રસ્ત ટ્રેકર ખીમલોગા પાસે પોર્ટર સાથે કેમ્પમાં રોકાયા છે. જ્યારે ત્રણેય પોર્ટર શનિવારે મોડી રાત્રે હિમાચલ પ્રદેશના છિતકુલ પાસે ઈન્ડો-તિબેટિયન બોર્ડર પોલીસ કેમ્પ પહોંચ્યા હતા. જે બાદ તેમણે ઈન્ડો-તિબેટિયન બોર્ડર પોલીસને સમગ્ર મામલાની માહિતી આપી હતી. ઈન્ડો-તિબેટીયન બોર્ડર પોલીસની રેસ્ક્યુ ટીમ રવિવારે સવારે ખીમલોગા જવા રવાના થઈ હતી(ITBP rescue operation trekker in Uttarakhand).
1 ટ્રેકરનું મોત પશ્ચિમ બંગાળના ત્રણ ટ્રેકર્સ અને 6 પોર્ટર્સ સહિત કુલ 9 લોકોની ટીમ 1 સપ્ટેમ્બરના રોજ ઉત્તરકાશી જિલ્લાના મોરી તાલુકા લિવાડી ગામથી ખીમલોગા છિતકુલ જવા રવાના થયા હતા. આ ટીમના એક સભ્ય ટ્રેકર સુજોય દુબેનું ખામિલોગા ગ્લેશિયરમાં પડવાને કારણે મૃત્યુ થયું હતું, જ્યારે અન્ય ટ્રેકર સુબ્રતો બિસ્વાસ અને નરોત્તમ જ્ઞાન ઇજાગ્રસ્ત થયા હતા. હિમાચલ પ્રદેશના કિન્નૌર જિલ્લાના જિલ્લા આપત્તિ વ્યવસ્થાપન અધિકારીએ જણાવ્યું કે, આઠ લોકો સુરક્ષિત છે. એક ટ્રેકર અને ત્રણ પોર્ટર્સ છિતકુલ પહોંચી ગયા છે, જ્યારે એક ઘાયલ ટ્રેકર અને ત્રણ પોર્ટર્સ છિતકુલમાં ફસાયેલા છે, જેમના બચાવ માટે ITBPની ટીમ રવાના થઈ ગઈ છે.
પરવાનગી વગર સાહસ ખેડ્યું ઉત્તરાખંડના ઉત્તરકાશી જિલ્લાના જિલ્લા આપત્તિ વ્યવસ્થાપન અધિકારી દેવેન્દ્ર પટવાલે જણાવ્યું હતું કે, પશ્ચિમ બંગાળના ટ્રેકર્સની આ ટીમ પરવાનગી વિના ટ્રેકિંગ પર ગઈ હતી. ગોવિંદ વાઈલ્ડલાઈફ નેશનલ પાર્ક તરફ આ મામલે તમામ લોકો સામે કેસ દાખલ કરવામાં આવશે. ઓક્ટોબર 2021માં પણ હર્ષિલ લમખાગા ચિત્કુલ ટ્રેક પર બંગાળના સાત ટ્રેકર્સ સહિત નવ લોકો માર્યા ગયા હતા.
