- 'યુનિવર્સલ હેલ્થ કવરેજ ડે'
- 12 ડિસેમ્બરના રોજ ઉજવાય છે 'યુનિવર્સલ હેલ્થ કવરેજ ડે'
- શું છે આ દિવસનું મહત્વ?
સારું સ્વાસ્થ્ય એ કોઇ ખજાના કરતા કમ નથી, પરંતુ આ ખજાનો દરેકને મળતો પણ નથી, પ્રદૂષિત વાતાવરણ હોય અથવા કોઈપણ પ્રકારની અસ્વસ્થતા, તેની અસર સૌથી પહેલા આપણા શરીર પર પડે છે. જો બિમારી સરળ હોય કે ગંભીર, તેની યોગ્ય સારવાર ખૂબ જ મહત્વપૂર્ણ છે. પરંતુ કેટલીકવાર પૈસાના અભાવ, યોગ્ય તપાસ અને સારવારના અભાવ અને સારવારના યોગ્ય જ્ઞાનના અભાવને લીધે પરિસ્થિતિ ગંભીર બને છે. વિશ્વના તમામ વર્ગો અને વયના લોકોને સસ્તું અને સારી ગુણવત્તાવાળી આરોગ્ય સેવાઓનો લાભ મળે તે હેતુથી 12 ડિસેમ્બરના રોજ વિશ્વભરમાં 'યુનિવર્સલ હેલ્થ કવરેજ ડે' તરીકે ઉજવવામાં આવે છે.
સાર્વત્રિક આરોગ્ય કવરેજનો ઇતિહાસ
સાર્વત્રિક આરોગ્ય કવરેજનો મુદ્દો સૌ પ્રથમ સંયુક્ત રાષ્ટ્રોની મહાસભામાં 12 ડિસેમ્બર, 2012 ના રોજ જાહેર હિતમાં ઉઠાવવામાં આવ્યો હતો અને એવું કહેવામાં આવ્યું હતું કે સમગ્ર વિશ્વમાં આરોગ્ય સેવાઓ સુધારવા માટે પ્રયત્નો કરવા જોઈએ. આ પછી, વર્ષ 2017માં 12 ડિસેમ્બરના રોજ જ યુનિવર્સલ હેલ્થ કવરેજ દિવસની ઉજવણી માટે ઠરાવ પસાર કરવામાં આવ્યો હતો અને આખા વિશ્વમાં 12 ડિસેમ્બરને આ ખાસ દિવસ તરીકે ઉજવવાનું નક્કી કરવામાં આવ્યું હતું.
સાર્વત્રિક આરોગ્ય કવરેજ અને 2020ની થીમ
યુનિવર્સલ હેલ્થ કવરેજ ડે નિમિત્તે વિશ્વભરમાં આરોગ્ય સેવાઓના સતત વિકાસના હેતુ પર કાર્યરત વર્લ્ડ હેલ્થ ઓર્ગેનાઇઝેશન (ડબ્લ્યુએચઓ) દ્વારા કરવામાં આવેલી એક પરિષદમાં, સંસ્થાના સેક્રેટરી જનરલ, એન્ટોનિયો ગુટેરર્સે યુનિવર્સલ હેલ્થ કવરેજ ડેની ઉજવણીનો હેતુ જણાવ્યો હતો કે દર વર્ષે, વિશ્વભરના ઘણા લોકો જુદા જુદા કારણોસર સારી ગુણવત્તાવાળી આરોગ્ય સેવાઓનો લાભ લઇ શકતા નથી. WHOનો મુખ્ય ઉદ્દેશ્ય એ છે કે વિશ્વના તમામ વયજૂથના અને તમામ વર્ગના લોકો કોઈપણ સમસ્યાઓ વગર સારી આરોગ્ય સેવાઓનો આનંદ માણી શકે. જેમાં સારવાર, હોસ્પિટલ ખર્ચ, દવાઓ વગેરે સામેલ છે. પરિષદમાં કહેવામાં આવ્યું છે કે આ વિશેષ દિવસની ઉજવણીનો મુખ્ય હેતુ એ છે કે લોકોમાં આરોગ્ય સેવાઓ અને વિવિધ રોગો વિશે જાગૃતિ આવે, તેઓ સારવાર માટે સરકારી અને બિન-સરકારી સ્તરે ચલાવવામાં આવતી યોજનાઓથી વાકેફ હોય અને માત્ર માત્ર સારવાર માટે જ નહીં, પણ દર્દીઓના પુનર્વસન માટે પણ યોગ્ય વ્યવસ્થા કરવી જોઈએ.
સાર્વત્રિક આરોગ્ય કવરેજ દિવસ દરવર્ષે અલગ અલગ થીમ પર આયોજીત કરવામાં આવે છે. આ વર્ષે 2020માં આ ખાસ દિવસ માટે "આરોગ્ય સૌ માટે જરૂરી: તમામની રક્ષા કરો, સંકટનો અંત અને સુરક્ષિત તેમજ સ્વસ્થ ભવિષ્યના નિર્માણ માટે આરોગ્ય પ્રણાલીમાં રોકાણ જરૂરી" ની થીમ નિર્ધારિત થઇ છે.
સાર્વત્રિક આરોગ્ય કવરેજ સાથે જોડાયેલા તથ્ય
દુનિયાભરમાં આશરે 100 મિલિયન લોકો ખરાબ સ્વાસ્થ્ય અને મોંઘી આરોગ્ય સેવાઓને લીધે બિમારીનો શિકાર બને છે
દુનિયાભરની લગભગ અડધાથી વધુ વસ્તી બિમારીના સમયે પૂર્ણ વીમા જેવી સેવાઓનો લાભ ઉઠાવતા નથી
દુનિયાભરમાં આશરે 300 મિલિયન લોકો પોતાના બજેટમાંથી આશરે 12 ટકા જેટલું સ્વાસ્થ્ય સેવાઓ પર ખર્ચ કરે છે.
