કિવ/નવી દિલ્હી: રશિયાના ગુપ્ત યુદ્ધ દસ્તાવેજોથી જાણવા (Ukraine Russia War) મળ્યું છે કે, યુક્રેન સાથે મોસ્કોના યુદ્ધની સ્ક્રિપ્ટ 18 જાન્યુઆરીએ જ (war plans approved on January 18) લખવામાં આવી હતી. રશિયાએ 18 જાન્યુઆરીએ જ યુક્રેન સાથે યુદ્ધ યોજનાને મંજૂરી આપી હતી. ગુપ્ત દસ્તાવેજો અનુસાર, એવો અંદાજ હતો કે 15 દિવસમાં યુક્રેનને જોડવામાં આવશે. એટલે કે, 20 ફેબ્રુઆરીથી 6 માર્ચની વચ્ચે રશિયન સેના યુક્રેન પર હુમલાની યોજનાને અંજામ આપશે.
યુક્રેનના જોઈન્ટ ફોર્સીસ ઓપરેશન્સ કમાન્ડે ફેસબુક પોસ્ટ શેર કરી
બુધવારે એક ફેસબુક પોસ્ટમાં, યુક્રેનના જોઈન્ટ ફોર્સીસ ઓપરેશન્સ કમાન્ડે જણાવ્યું હતું કે, 'યુક્રેનની સશસ્ત્ર દળોના એક એકમની સફળ કાર્યવાહીને કારણે, રશિયન કબજે કરનારાઓ સાધનસામગ્રી અને માનવશક્તિ જ નહીં ગુમાવી રહ્યા પણ તેના બદલે, ગભરાટમાં, તેઓ ગુપ્ત દસ્તાવેજ છોડી દે છે. આમ, અમારી પાસે રશિયન ફેડરેશનના બ્લેક સી ફ્લીટના મરીનની 810મી અલગ બ્રિગેડની બટાલિયન વ્યૂહાત્મક જૂથના એક એકમના આયોજન દસ્તાવેજો છે.'
યુક્રેન સાથેના યુદ્ધ માટે 18 જાન્યુઆરીએ મંજૂરી આપવામાં આવી હતી
યુક્રેન સાથે મોસ્કોના યુદ્ધ સાથે જોડાયેલા ગુપ્ત દસ્તાવેજોમાં વર્ક કાર્ડ, કોમ્બેટ મિશન, કોલ સાઈન ટેબલ, કંટ્રોલ સિગ્નલ ટેબલ, હિડન કંટ્રોલ ટેબલ, કર્મચારીઓની યાદી વગેરે છે. યુક્રેન સાથેના યુદ્ધ માટેના આયોજન દસ્તાવેજોને 18 જાન્યુઆરીએ મંજૂરી આપવામાં આવી હતી, અને યુક્રેનને કબજે કરવાની કામગીરી 15 દિવસની અંદર, એટલે કે, યોજના અનુસાર યુક્રેન પર 20 ફેબ્રુઆરીથી થવાની હતી અને 6 માર્ચ સુધીમાં વિજય હાંસલ કરવાનું લક્ષ્ય (Aim to achieve victory by March 6) હતું.
આ પણ વાંચો: ukraine russia war: જાણો કોણ છે, જે સરહદ પર ભૂખ્યાઓને આપી રહ્યા છે જીવન!
દળોનો અંતિમ ધ્યેય મેલિટોપોલ પર નાકાબંધી અને નિયંત્રણ કરવાનો હતો
દુશ્મન એકમ સ્ટેપનોવકા -1 સેટલમેન્ટના વિસ્તારમાં ઓસ્ર્ક વીડીકેથી ઉતરવાનું હતું અને રશિયન ફેડરેશનની 58મી આર્મીના લશ્કરી એકમો સાથે આગળ કામ કરવાનું હતું. આ દળોનો અંતિમ ધ્યેય મેલિટોપોલ પર નાકાબંધી અને નિયંત્રણ કરવાનો હતો.
