બગાહાઃ બિહારમાં ફરી એકવાર વાઘે બાળકીને પોતાનો શિકાર બનાવી લીધો છે. સિંઘહીના મુસ્તોલીમાં વાઘે ઘરમાં સૂતેલી બાળકીને મારી નાખી હતી. મૃતકની ઓળખ રમાકાંત માંઝીની 12 વર્ષની પુત્રી બગડી કુમારી તરીકે થઈ છે. પોલીસની મદદથી લાશને પોસ્ટમોર્ટમ માટે મોકલી આપવામાં આવી છે. (tiger hunted girl in Bagaha )400 વનકર્મીઓની ટીમ વાઘના રેસ્કયુમાં લાગેલી છે, પરંતુ વાઘે ફરી એકવાર ચકમો આપી દીધો છે.
બગાહામાં વાઘે બાળકીને પોતાનો શિકાર બનાવ્યોઃ આ ઘટના બુધવારે મધરાતે બની હતી. જ્યારે વાઘ સૂતેલી છોકરીને ઘરની બહાર ખેંચી રહ્યો હતો ત્યારે ઘરના લોકોની નજર પડી અને અવાજ કરવા લાગ્યા. જે બાદ ગ્રામજનો એકઠા થયા હતા. પરિણામે વાઘ બાળકીને મૃત અવસ્થામાં છોડીને ભાગી ગયો.
કુલ સાત લોકો પર હુમલો: છેલ્લા એક મહિનામાં આ ત્રીજી ઘટના છે, જ્યારે વાઘે કોઈને માર્યા હોય. અત્યાર સુધીમાં પાંચ મહિનામાં વાઘે વિવિધ વિસ્તારોમાં કુલ સાત લોકો પર હુમલો કર્યો છે, જેમાં આ છઠ્ઠું મોત છે. જો કે વન વિભાગ વાઘને પકડવા માટે ઘણા પ્રયત્નો કરી રહ્યું છે, પરંતુ વાઘ વારંવાર પોતાનું સ્થાન બદલી રહી છે. આ કિશોરનું એ જ વાઘે મારણ કર્યું છે, જેને વનવિભાગ શોધી રહ્યું છે અથવા અન્ય કોઈ વાઘે માર્યું છે તે અત્યાર સુધી તે સ્પષ્ટ નથી થયુ.
ટીમ વાઘને પકડવામાં વ્યસ્ત: રામનગરના રઢિયા વન વિસ્તારને અડીને આવેલા વિસ્તારોમાં સેંકડો વનકર્મીઓની ટીમ(forest team of bihar) વાઘને પકડવામાં વ્યસ્ત હતી, પરંતુ વરસાદ બાદ વાઘના પગમાર્ક દેખાતા બંધ થઈ ગયા હતા. આવી સ્થિતિમાં હવે ફરી વન વિભાગની ટીમ સિંઘહા ગામ તરફ આગળ વધી રહી છે.
