ઉતરપ્રદેશ: શ્રી કૃષ્ણ જન્મભૂમિ કેસને (Shri Krishna Janmabhoomi case) લઈને જિલ્લા કોર્ટે શુક્રવારે આદેશ જારી કર્યો છે. સિવિલ જજ સિનિયર ડિવિઝનની કોર્ટે સરકારી અમીનને વિવાદિત સ્થળ પર મોકલવાનો આદેશ કર્યો (court orders survey disputed land) છે. આ સાથે કોર્ટે 20 જાન્યુઆરી સુધીમાં પોતાનો રિપોર્ટ કોર્ટમાં રજૂ કરવા કહ્યું છે. 8 ડિસેમ્બરના રોજ નવી વાદી હિન્દુ સેનાએ શ્રી કૃષ્ણ જન્મભૂમિ ઇદગાહના કેસ અંગે કોર્ટમાં અરજી દાખલ કરી હતી. વિવાદિત સ્થળની સ્થળ તપાસ કર્યા બાદ સરકાર અમીનનો રિપોર્ટ કોર્ટમાં રજૂ કરવામાં આવે તેવી માંગ કરવામાં આવી હતી. આ પછી 23 ડિસેમ્બરે મોડી સાંજે કોર્ટે આ આદેશ આપ્યો હતો.
આ પણ વાંચો: શ્રી કૃષ્ણ જન્મભૂમિ શાહી ઈદગાહ મસ્જિદ કેસ પર આજે થશે સુનાવણી
કૃષ્ણ જન્મભૂમિ ઇદગાહના કેસ અંગે કોર્ટમાં અરજી દાખલ કરી: હિન્દુ સેનાની અરજીને ધ્યાને લઈ સિવિલ જજ સિનિયર ડિવિઝનની કોર્ટે સરકારી અમીનને વિવાદિત સ્થળ પર મોકલવાનો આદેશ આપ્યો હતો. કોર્ટે કહ્યું કે સ્થળની ભૌગોલિક સ્થિતિનું નિરીક્ષણ કરવામાં આવે અને વિવાદિત સ્થળની જમીની વાસ્તવિકતા 20 જાન્યુઆરી સુધીમાં કોર્ટ સમક્ષ રજૂ કરવામાં આવે.
આ પણ વાંચો: જ્ઞાનવાપીની જેમ મથુરા કૃષ્ણ જન્મભૂમિ કેસમાં પણ થશે સર્વે, અલ્હાબાદ હાઈકોર્ટનો આદેશ
વિવાદિત સ્થળનો સર્વે રિપોર્ટ: 8 ડિસેમ્બરના રોજ, હિન્દુ સેના દ્વારા શ્રી કૃષ્ણ જન્મસ્થાન ઇદગાહ પ્રકરણ અંગે સિવિલ જજ સિનિયર ડિવિઝનની કોર્ટમાં અરજી દાખલ કરવામાં આવી હતી. કોર્ટમાં અરજી સ્વીકારતા, સુનાવણી 20 ડિસેમ્બરે નક્કી કરવામાં આવી હતી. પરંતુ, 20 ડિસેમ્બરે કોઈ કામ ન થવાને કારણે આ મામલે સુનાવણી થઈ શકી ન હતી. આ પછી 23 ડિસેમ્બરે વાદીના પ્રાર્થના પત્ર પર નિર્ણય આપતા કોર્ટે કહ્યું હતું કે વિવાદિત સ્થળનો સર્વે રિપોર્ટ 20 જાન્યુઆરી સુધીમાં સરકારી અમીનને સ્થળ પર મોકલીને કોર્ટમાં રજૂ કરવામાં આવે.
