મુંબઈ: બોમ્બે હાઈકોર્ટે એક વ્યક્તિ દ્વારા દાખલ કરાયેલી અરજી પર સીરમ ઈન્સ્ટિટ્યૂટ ઓફ ઈન્ડિયા (Bill Gates get Bombay high court notice) અને અન્ય લોકો પાસેથી જવાબ માંગ્યો છે. જેમાં તેણે પોતાની પુત્રીના મૃત્યુ માટે કોવિશિલ્ડ વેક્સિનને (Covishield vaccine) જવાબદાર ઠેરવ્યું હતું અને વેક્સિન કંપની પાસેથી 1000 કરોડ રૂપિયાના વળતરની માંગ કરી હતી. અરજીકર્તા દિલીપ લુણાવતે માઈક્રોસોફ્ટ કંપનીના સ્થાપક બિલ ગેટ્સ ( Bill Gates get), કેન્દ્ર સરકાર, મહારાષ્ટ્ર સરકાર અને ડ્રગ કંટ્રોલર જનરલ ઓફ ઈન્ડિયાને પણ આ કેસમાં પક્ષકાર બનાવ્યા છે.
આ પણ વાંચો : ભારતના દબાણ બાદ આખરે UK એ કોવિશિલ્ડ વેક્સિનને આપી માન્યતા
હાઈકોર્ટે 26 ઓગસ્ટે નોટિસ કરી હતી જારી : બિલ ગેટ્સ ફાઉન્ડેશને કંપની SII (Serum Institute of India) સાથે ભાગીદારી કરી હતી. 26 ઓગસ્ટે જસ્ટિસ એસવી ગંગાપુરવાલા અને જસ્ટિસ માધવ જામદારની ડિવિઝન બેન્ચે અરજી પર તમામ પ્રતિવાદીઓને નોટિસ પાઠવી હતી અને તેમનો જવાબ માંગ્યો હતો. હવે આ કેસની આગામી સુનાવણી 17 નવેમ્બરે થશે.
કોવિશિલ્ડની વેક્સિન લેવાની પડી હતી ફરજ : અરજદારે કોર્ટમાં દાવો કર્યો હતો કે, તેની પુત્રી સ્નેહલ લુણાવત મેડિકલ સ્ટુડન્ટ હતી અને તેને 28 જાન્યુઆરી, 2021ના રોજ નાસિકમાં તેની કોલેજમાં SII દ્વારા તૈયાર કરવામાં આવેલી કોરોના વાયરસની કોવિશિલ્ડ વેક્સિન (Covishield vaccine) લેવાની ફરજ પડી હતી, કારણ કે તે હેલ્થ વર્કર હતી. અરજી અનુસાર થોડા દિવસો પછી, સ્નેહલને ગંભીર માથાનો દુખાવો અને ઉલ્ટીનો અનુભવ થવા લાગ્યો હતો. ત્યારબાદ તેને હોસ્પિટલમાં દાખલ કરવામાં આવી હતી. સ્નેહલ 1 માર્ચ, 2021 ના રોજ સારવાર દરમિયાન મૃત્યુ પામી હત. જ્યારે હોસ્પિટલના ડોકટરોએ કહ્યું કે, તેના મગજમાં લોહી વહેતું હતું. એવો દાવો કરવામાં આવ્યો છે કે, મૃત્યુનું કારણ કોવિડની વેક્સિન કોવિશિલ્ડની આડઅસર હતી.
આ પણ વાંચો : કયા દેશને કોરોનાની કઈ વેક્સિનના નકલી ડોઝ મળ્યા? જુઓ
મૃતકના પરિજનોએ SII પાસેથી 1000 કરોડનું વળતર માંગ્યું : આ અરજી 2 ઓક્ટોબર, 2021 ના રોજ પ્રતિકૂળ ઘટનાઓ પછીની પ્રતિકૂળ ઘટનાઓ પર કેન્દ્ર સરકારની સમિતિ (AEFI) દ્વારા સબમિટ કરવામાં આવેલા અહેવાલ પર આધારિત છે. જેમાં કથિત રીતે સ્વીકાર્યું હતું કે, તેમની પુત્રીનું મૃત્યુ વેક્સિન કોવિશિલ્ડની (Covishield vaccine) આડઅસરને કારણે થયું હતું. અરજીમાં મૃતકના પરિજનોએ SII પાસેથી 1000 કરોડ રૂપિયાના વળતરની માંગણી કરી છે.
