પ્રયાગરાજઃ સંગમ શહેર પ્રયાગરાજના પંડિત દીનદયાલ એરપોર્ટ પર સુરક્ષામાં (Security lapse at Prayagraj airport) બેદરકારીનો મોટો મામલો સામે આવ્યો છે. મંગળવારે પ્રયાગરાજથી દિલ્હી જઈ રહેલી ઈન્ડિગોની ફ્લાઈટમાં એક પ્રવાસી ટિફિનમાં કાંટાચમચ (Fork spoon on Indigo flight) છુપાવીને ફ્લાઈટમાં બેઠો હતો. ફ્લાઈટ ટેકઓફ થતાની સાથે જ પેસેન્જરે પોતાનું ટિફિન અને તેની અંદર રાખેલ કાંટાચમચી બહાર કાઢી હતી. પ્રવાસીના હાથમાં કાંટાચમચી જોઈને ક્રૂ મેમ્બરોએ પાઈલટને જાણ કરી હતી. આ પછી એટીસી સાથે વાત કરીને પ્લેનને પાછું લેન્ડ કરવામાં આવ્યું હતું. પ્લેન રનવે પર લેન્ડ થતાંની સાથે જ પેસેન્જર પાસે મળેલા કાંટાચમચી ટિફિન સાથે પ્લેનમાંથી બહાર કાઢવામાં આવ્યા હતા. આ પછી થોડા સમય બાદ પ્લેન દિલ્હી માટે રવાના થયું હતું.
પ્રયાગરાજથી દિલ્હી જઈ રહેલી ફ્લાઈટમાં સુરક્ષામાં ચૂક : પ્રયાગરાજથી દિલ્હી જઈ રહેલી ઈન્ડિગો ફ્લાઈટમાં સુરક્ષામાં ખામીનો મોટો મામલો સામે આવ્યો છે. મંગળવારે બપોરે એક પ્રવાસી ટિફિનની અંદર કાંટાચમચી લઈને દિલ્હી જતી ફ્લાઈટમાં ચડ્યો હતો. આ પછી ફ્લાઈટ ઉપડતાની સાથે જ પેસેન્જરે કાંટાચમચી કાઢી અને ટિફિનમાં લાવેલું ખાવાનું ખાવાનું શરૂ કર્યું હતું.
પ્રવાસીઓને અસુવિધા સાથે ભોગવવી પડી હતી હાલાકી : પ્રવાસી કાંટાચમચી સાથે પ્લેનની અંદર કેવી રીતે ગયો તે અંગે એરપોર્ટની સુરક્ષા વ્યવસ્થા પર સવાલો ઉભા થયા છે. કારણ કે, જહાજની અંદર જતા પહેલા ઘણી જગ્યાએ સર્ચ અને ચેકિંગ કરવામાં આવે છે. સ્કેનરમાંથી પસાર થવા છતાં પેસેન્જર કાંટાચમચી લઈને પ્લેનની અંદર પહોંચી ગયો હતો. જ્યારે, નિયત કદ કરતાં મોટી અને વજનની કોઈપણ વસ્તુને પ્લેનની અંદર લઈ જઈ શકાતી નથી. કાંટાચમચાના કારણે ઈન્ડિગો ફ્લાઈટ ટેકઓફ કર્યા બાદ રનવે પર પાછી ફરી અને લગભગ 15 થી 20 મિનિટના વિલંબ બાદ ફરીથી દિલ્હી જવા રવાના થઈ હત. જેના કારણે પ્લેનમાં સવાર તમામ પ્રવાસીઓને અસુવિધા સાથે હાલાકી ભોગવવી પડી હતી.
બેદરકારી દાખવનાર સામે પગલાં લેવાની પ્રવાસીઓએ કરી માગ : આ સાથે પ્લેનમાં સવાર પ્રવાસીઓએ પ્રયાગરાજ એરપોર્ટ ઓથોરિટીની સુરક્ષા વ્યવસ્થા પર પણ સવાલો ઉઠાવ્યા હતા. પ્લેનમાં હાજર પ્રવાસીઓએ કહ્યું કે, કાંટાચમચીને બદલે અન્ય કોઈ ખતરનાક વસ્તુ પણ લઈ શકાઈ હોત. આ બાબતે યોગ્ય તપાસ કરીને બેદરકારી દાખવનાર સામે પગલાં લેવાની પણ પ્રવાસીઓએ માગ કરી હતી. તેમજ સુરક્ષા વ્યવસ્થા સુધારવાની માંગણી કરી હતી. જો કે, આટલી મોટી બેદરકારી હોવા છતાં, એરપોર્ટની સુરક્ષા સાથે સંબંધિત કોઈ અધિકારીએ આ મામલે હજુ સુધી કોઈ માહિતી આપી નથી.
