નવી દિલ્હી: દિલ્હી હાઈકોર્ટની ડિવિઝન બેન્ચે (Delhi High Court ) નિવૃત્ત કાશ્મીરી અધિકારીઓ (Retired Kashmiri Officers)ના સત્તાવાર નિવાસસ્થાન ખાલી કરવાના સિંગલ બેંચના આદેશ સામે દાખલ કરવામાં આવેલી(Judgment of retired Kashmiri officials) અરજીને ફગાવી દીધી છે. કાર્યવાહક મુખ્ય ન્યાયાધીશ વિપિન સાંઘીની અધ્યક્ષતાવાળી બેંચે કહ્યું કે, નિવૃત્ત થયેલા કાશ્મીરી સ્થળાંતરીઓને (Kashmiri migrants) સરકારી આવાસમાં રહેવાનો અધિકાર નથી.
આ પણ વાંચો: દિલ્હી હાઇકોર્ટે દિલ્હી પોલીસને નોટિસ ફટકારી, 'આગામી સુનાવણીમાં વરિષ્ઠ અધિકારી હાજર રહે'
સરકાર પાસે અમર્યાદિત આવાસ નથી: કોર્ટે કહ્યું કે, સરકાર કાશ્મીરી નિવૃત્ત અધિકારીઓ સાથે ભેદભાવ નથી કરી રહી. જો અમે તેમને સરકારી આવાસમાં રહેવા દઈશું તો જે લોકો સરકારી આવાસની રાહ જોઈ રહ્યા છે તેમનું શું થશે. સરકાર પાસે અમર્યાદિત આવાસ નથી. વાસ્તવમાં, 16 ફેબ્રુઆરીએ જસ્ટિસ વી કામેશ્વર રાવની સિંગલ બેન્ચે ત્રણ નિવૃત્ત કાશ્મીરી અધિકારીઓને 31 માર્ચ સુધીમાં સરકારી આવાસ ખાલી કરવાનો આદેશ આપ્યો હતો. સિંગલ બેન્ચે આ ભૂતપૂર્વ અધિકારીઓની દલીલને ફગાવી દીધી હતી કે તેઓ કાશ્મીરમાંથી વિસ્થાપિત થયા છે. અરજદાર સુશીલ કુમાર ધરે સિંગલ બેંચના આ નિર્ણયને ડિવિઝન બેંચમાં પડકાર્યો હતો.
ત્રણ નિવૃત્ત કાશ્મીરી અધિકારીઓ:સુશીલ કુમાર ધર, સુરેન્દ્ર કુમાર રૈના અને પ્રિડમેન ક્રિષ્ન કૌલ એ ત્રણ નિવૃત્ત કાશ્મીરી અધિકારીઓ છે. જેમણે સિંગલ બેન્ચ સમક્ષ અરજી દાખલ કરી હતી. ત્રણેયએ નિવાસ ખાલી કરવાના કેન્દ્ર સરકારના આદેશને પડકાર્યો હતો. અરજીમાં કહેવામાં આવ્યું હતું કે, અરજદાર કાશ્મીરી વિસ્થાપિત છે. અરજીમાં માંગ કરવામાં આવી હતી કે કેન્દ્ર વિરુદ્ધ ઓમકાર નાથ ધરના સુપ્રીમ કોર્ટના નિર્ણય મુજબ તેમને વધુ ત્રણ વર્ષ સુધી સરકારી આવાસમાં રહેવાની મંજૂરી આપવામાં આવે.
આ પણ વાંચો: સુશાંતના જીવન પર બનતી ફિલ્મ મામલે દિલ્હી હાઇકોર્ટે યાચિકાએ કરી રદ્દ, સુપ્રિમ કોર્ટે જશે પિતા
ટ્રાન્સફર કરાયેલા કેન્દ્રીય કર્મચારીઓ: સિંગલ બેન્ચે કહ્યું હતું કે, અરજદારો તે સ્કીમ હેઠળ આવતા નથી જેના માટે સુપ્રીમ કોર્ટનો નિર્ણય હતો. કોર્ટે કહ્યું હતું કે સુપ્રીમ કોર્ટનો નિર્ણય 1989માં શ્રીનગરથી દિલ્હી ટ્રાન્સફર કરાયેલા કેન્દ્રીય કર્મચારીઓ માટે હતો અને સુરક્ષાના આધારે નિવૃત્ત થયા પછી પણ તેમને આવાસ આપવામાં આવ્યું હતું. આવી સ્થિતિમાં અરજદાર નિવૃત્તિ પછી પણ સરકારી આવાસનો હકદાર બની શકે નહીં.
