- મોદી સરકારે પેટ્રોલ અને ડીઝલ પર ટેક્સ લગાવીને આવકવેરા અને કોર્પોરેટ ટેક્સ કરતા વધુ કમાણી કરી
- કેન્દ્ર સરકાર લોકોના ખિસ્સા કાપીને પેટ્રોલિયમ પેદાશોના ભાવમાં વધારો કરી રહી છે
- રાહુલ ગાંધીએ પેટ્રોલ અને ડીઝલની કિંમતોમાં વધારાનો આરોપ લગાવ્યો હતો
નવી દિલ્હી: કોંગ્રેસના પૂર્વ અધ્યક્ષ રાહુલ ગાંધીએ પેટ્રોલ અને ડીઝલ પરના વેરાની વસૂલાત માટે મોદી સરકાર પર પ્રહાર કર્યા છે. પેટ્રોલ અને ડીઝલ પરના ટેક્સથી થતી આવક સાથે જોડાયેલા સમાચારો શેર કરતી વખતે રાહુલ ગાંધીએ ટકોર કરી હતી કે, મોદી સરકારે ટેક્સ વસૂલાતમાં PH.D કરેલું છે.
છેલ્લા સાત વર્ષમાં બળતણ પરના વેરામાંથી થતી આવક બમણી કરતા વધારે થઈ
આ સમાચારમાં દાવો કરવામાં આવ્યો છે કે, મોદી સરકારે પેટ્રોલ અને ડીઝલ પર ટેક્સ લગાવીને આવકવેરા અને કોર્પોરેટ ટેક્સ કરતા વધુ કમાણી કરી છે. રિપોર્ટમાં કહેવામાં આવ્યું છે કે છેલ્લા સાત વર્ષમાં બળતણ પરના વેરામાંથી થતી આવક બમણી કરતા વધારે થઈ છે.
સરકાર જનતાના ખિસ્સા કાપી રહી છે
'સરકાર જનતાના ખિસ્સા કાપી રહી છે' આ અગાઉ રાહુલ ગાંધીએ પેટ્રોલ અને ડીઝલની કિંમતોમાં વધારાનો આરોપ લગાવ્યો હતો કે સંકટ સમયે લોકોને રાહત આપવાને બદલે કેન્દ્ર સરકાર લોકોના ખિસ્સા કાપીને પેટ્રોલિયમ પેદાશોના ભાવમાં વધારો કરી રહી છે.
આ પણ વાંચો: બજેટ 2021ઃ પેટ્રોલ અને ડીઝલના ભાવમાં ઘટાડાની આશા
જે દિવસે પેટ્રોલિયમ પેદાશોના ભાવમાં વધારો થતો નથી ત્યારે તે મોટા સમાચાર બને છે
કેન્દ્ર સરકાર પર કટાક્ષ કરતા તેમણે કહ્યું કે, આ સરકારના કાર્યકાળ દરમિયાન વિકાસની હાલત એ છે કે જે દિવસે પેટ્રોલિયમ પેદાશોના ભાવમાં વધારો થતો નથી. ત્યારે તે મોટા સમાચાર બને છે. તેમણે ટ્વીટ કર્યું કે, 'મોદી સરકારના વિકાસની આ સ્થિતિ છે કે જો કોઈ દિવસ પેટ્રોલ અને ડીઝલની કિંમતોમાં વધારો નહીં થાય તો તે વધુ મોટા સમાચાર બની જાય છે.
આ પણ વાંચો: વિધાનસભામાં સરકારના પેટ્રોલ અને ડીઝલની આવકના આંકડા સામે આવ્યા
2021માં પેટ્રોલ-ડીઝલના ભાવમાં 52 વખત વધારો થયો છે
કોંગ્રેસ મહાસચિવ પ્રિયંકા ગાંધીએ પણ ટ્વીટ કરીને આરોપ લગાવ્યો હતો કે, કોરોના સંકટની વચ્ચે લોકોને આશા હતી કે સરકાર તેમને રાહત આપશે, પરંતુ સરકાર તેમના માટે દુ:ખદ યોજના લઈને આવી છે. 2021માં પેટ્રોલ-ડીઝલના ભાવમાં 52 વખત વધારો થયો છે. સરસવના તેલ, રિફાઈન્ડ, તૂવેર, મૂંગ દાળ અને ખાંડના ભાવમાં વધારો થયો છે. મોદી સરકાર લોકોના ખિસ્સા કાપી રહી છે.
