યુક્રેન સંકટ વચ્ચે વડાપ્રધાન મોદીની યુરોપ મુલાકાત, વ્યૂહાત્મક ભાગીદારી તેમજ વિકાસ જેવા મુદ્દાઓ પર ચર્ચા

વડા પ્રધાન નરેન્દ્ર મોદીએ સોમવારે જર્મન ચાન્સેલર ઓલાફ સ્કોલ્ઝ સાથે મુલાકાત (PM met German Chancellor) કરી અને સમગ્ર વ્યૂહાત્મક ભાગીદારી તેમજ પ્રાદેશિક અને વૈશ્વિક વિકાસ જેવા મુદ્દાઓ પર સહકાર અંગે ચર્ચા કરી. આ બેઠક ભારત અને જર્મની વચ્ચે દ્વિવાર્ષિક આંતરસરકારી પરામર્શ (IGC)ના છઠ્ઠા રાઉન્ડ પહેલા થઈ રહી છે.

નવી દિલ્હી: વડા પ્રધાન નરેન્દ્ર મોદીએ સોમવારે જર્મન ચાન્સેલર ઓલાફ સ્કોલ્ઝ સાથે મુલાકાત (PM met German Chancellor) કરી, જેમાં બંને નેતાઓએ વ્યૂહાત્મક, પ્રાદેશિક અને વૈશ્વિક વિકાસ પર મંતવ્યોનું આદાનપ્રદાન કર્યું. વડાપ્રધાન મોદી યુરોપના ત્રણ દેશોના પ્રવાસના પ્રથમ ચરણમાં સોમવારે સવારે જર્મની પહોંચ્યા હતા. તેમની મુલાકાત દરમિયાન મોદી ડેનમાર્ક અને ફ્રાન્સ પણ જશે.

આ પણ વાંચો: Jignesh Mewanis bail verdict: જિજ્ઞેશ મેવાણી જામીન દરમિયાન કોર્ટની ટિપ્પણી પર હાઈકોર્ટ ગુસ્સે થઈ

વડા પ્રધાન (Modi in Germany) મોદી, જેઓ તેમના યુરોપ પ્રવાસના પ્રથમ તબક્કામાં બર્લિન પહોંચ્યા હતા, તેમને ઔપચારિક ગાર્ડ ઑફ ઓનર આપવામાં આવ્યું હતું અને ચાન્સેલર સ્કોલ્ઝે તેમનું સ્વાગત કર્યું હતું. આ પછી બંને નેતાઓ સામસામે મળ્યા, ત્યારબાદ પ્રતિનિધિમંડળ સ્તરની વાતચીત થઈ. વિદેશ મંત્રાલયે એક નિવેદનમાં જણાવ્યું હતું કે, ચર્ચામાં એકંદર વ્યૂહાત્મક ભાગીદારી તેમજ પ્રાદેશિક અને વૈશ્વિક વિકાસ હેઠળ દ્વિપક્ષીય સહયોગના મુખ્ય ક્ષેત્રોને આવરી લેવામાં આવ્યા હતા.

આ પણ વાંચો: Maharashtra Loudspeaker Politics: શા માટે મહારાષ્ટ્રના ગૃહપ્રધાને રાજ ઠાકરે વિરુદ્ધ કાર્યવાહી કરવાનો સંકેત આપ્યો

વડાપ્રધાન મોદીની યુરોપ મુલાકાત યુક્રેન સંકટ વચ્ચે થઈ રહી છે, જેના પર લગભગ આખું યુરોપ રશિયા સામે એક થઈ ગયું છે. બર્લિન પહોંચ્યા પછી, વડા પ્રધાન મોદીએ ચાન્સેલર ઑફિસ (ચાન્સેલરી) ના પ્રાંગણમાં ગાર્ડ ઑફ ઓનરનું નિરીક્ષણ કર્યું જ્યાં તેમણે ચાન્સેલર ઓલાફ સ્કોલ્ઝ સાથે વાતચીત કરી. વડાપ્રધાન કાર્યાલયે ટ્વીટ કર્યું કે ભારત-જર્મની સહયોગનું વિસ્તરણ. વડાપ્રધાન નરેન્દ્ર મોદી અને ચાન્સેલર ઓલાફ સ્કોલ્ઝ બર્લિનમાં મળ્યા હતા. ડિસેમ્બર 2021 માં પદ સંભાળનાર જર્મન ચાન્સેલર સ્કોલ્ઝ સાથે વડા પ્રધાન મોદીની આ પ્રથમ મુલાકાત છે.