લખનઉ: ATSની તપાસમાં પાકિસ્તાનથી યુપીના ગૌતમ બુદ્ધ નગરમાં આવેલી સીમા હૈદર હજુ સુધી ISIની જાસૂસ સાબિત થઈ શકી નથી. હવે એજન્સી તેને પાકિસ્તાન પરત મોકલવાની તૈયારી કરી રહી છે. આવી સ્થિતિમાં સીમા હૈદરનો પ્રેમી સચિન મીના તેને પૂરો સમય આપી રહ્યો છે. સોશિયલ મીડિયા પર એક વીડિયો વાયરલ થઈ રહ્યો છે. જેમાં સચિન સીમાને પાકિસ્તાન પરત મોકલતા પહેલા તેને શણગારી રહ્યો છે. સચિન તેની પાકિસ્તાની ગર્લફ્રેન્ડ સીમાની વેણી બાંધતો જોવા મળે છે.
સચિન અને સીમાનો વીડિયો વાયરલ: છેલ્લા 15 દિવસથી સોશિયલ મીડિયા પર સચિન અને સીમા હૈદર સાથે જોડાયેલા વીડિયો જ વાયરલ થઈ રહ્યા છે. હવે વધુ એક વીડિયો વાયરલ થયો છે, જેમાં સચિન તેની ગર્લફ્રેન્ડ સીમાના વાળમાં વેણી નાખતો જોવા મળી રહ્યો છે. "પૂજતી હો તુઝકો ભગવાન કી તરહ, તુ છાયા હૈ મુઝ પર આસમાન કી વક્ત..." ગીત વાગી રહ્યું છે અને સીમા-સચિન પ્રેમમાં મગ્ન છે.
ઘર વેચીને આવી ભારત: બુધવારે સીમા હૈદર ગુલામ સાથે જોડાયેલી તપાસ અંગે માહિતી આપતાં યુપી પોલીસે પોતાના સત્તાવાર નિવેદનમાં કહ્યું હતું કે અત્યાર સુધી એવું કોઈ તથ્ય સામે આવ્યું નથી કે તે જાસૂસ છે. તપાસમાં સામે આવ્યું છે કે સીમાએ તેના પતિ ગુલામે દુબઈથી મોકલેલા પૈસા બચાવીને પાકિસ્તાનમાં ઘર ખરીદ્યું હતું. જ્યારે સીમાને સચિનને મળવા ભારત આવવું પડ્યું. ત્યારે તેણે પોતાનું ઘર 12 લાખ રૂપિયામાં વેચી દીધું અને દુબઈથી નેપાળ અને પછી તેના ચાર બાળકો સાથે ભારત આવી ગઈ.
