ઈસ્લામાબાદઃ પાકિસ્તાનની માહિતી પ્રધાન મરિયમ ઔરંગઝેબ લંડનની એક કોફી શોપમાં વિદેશી પાકિસ્તાનીઓથી ઘેરાઈ ગઈ હતી(Slogans in London against Pak Minister Marriyum Aurangzeb). ઇન્ટરનેટ પર એક વીડિયો વાયરલ થયો હતો જેમાં વિદેશમાં રહેતા પાકિસ્તાનીઓ પ્રધાન મરિયમ ઔરંગઝેબનો ઘેરાવો કરતા જોવા મળ્યા હતા(Pak Minister Marriyum Aurangzeb video viral). પાકિસ્તાનમાં પૂરને કારણે થયેલી તબાહી વચ્ચે વિદેશમાં રહેતા પાકિસ્તાની નાગરિકો વિદેશ પ્રવાસ માટે તેમની ટીકા કરી રહ્યા છે.
પાકના પ્રધાન સામે લાગ્યા નારા ભૂતપૂર્વ વડા પ્રધાન નવાઝ શરીફની પુત્રી મરિયમનો પીછો કરી રહેલા પાકિસ્તાનીઓએ રસ્તાઓ પર 'ચોરની, ચોરની'ના નારા લગાવ્યા હતા. આ સમગ્ર ઘટનાનો વીડિયો ટૂંકી ક્લિપમાં ઈન્ટરનેટ પર વાયરલ થયો હતો. એવું બતાવવામાં આવ્યું છે કે ઔરંગઝેબે વિદેશી નાગરિકોના વિરોધ પર કોઈ પ્રતિક્રિયા આપી ન હતી અને પોતે મોબાઈલ ફોનમાં વ્યસ્ત રહી હતી.
વીડિયો થયો વાયરલ આ દરમિયાન ડોનના અહેવાલ મુજબ પ્રધાન મરિયમ આગળ આવી અને પરિસ્થિતિને સંભાળી હતી. પાકિસ્તાનના પૂર્વ પીએમ ઈમરાન ખાનના સમર્થકો દ્વારા ઔરંગઝેબને એક દુકાનમાં હેરાન કરવામાં આવી હતી. વીડિયોમાં એક મહિલા ઔરંગઝેબને કહી રહી હતી કે, 'ટેલિવિઝન પર મોટા-મોટા દાવા કરવામાં આવી રહ્યા છે પરંતુ અહીં તે માથા પર દુપટ્ટો નથી પહેરતી.'
ઔરંગઝેબે કરી ટીકા પાકિસ્તાની પત્રકાર સૈયદ તલત હુસૈન દ્વારા શેર કરવામાં આવેલા વિડિયો પર પ્રતિક્રિયા આપતા, ઔરંગઝેબે કહ્યું કે "ઈમરાન ખાનની નફરત અને વિભાજનની રાજનીતિની આપણા ભાઈઓ અને બહેનો પર જે ઝેરી અસર થઈ છે તે જોઈને તે દુઃખી છે." તે રોષે ભરાયેલી ભીડના દરેક સવાલના જવાબ આપી રહી હતી.
