લખનૌ: રાજધાનીમાં પોતાની માતાની હત્યા કરનાર 16 વર્ષનો પુત્ર પોલીસને એક ગુમનામ પાત્રની વાર્તા સંભળાવી રહ્યો હતો. તે કહી રહ્યો હતો કે, તેણે મારી માતાની હત્યા કરી છે, પરંતુ એક વ્યક્તિ હતો જેણે પોલીસ સામે ખોટું બોલીને બચવા માટે ટ્રેનિંગ આપી હતી. સગીરને નિવેદન ગોખાવ્યું અને તેને સાધના સિંહની હત્યા કરતા બચવા માટે સ્ક્રિપ્ટ લખીને આપી, પરંતુ તેને શું ખબર કે પિસ્તોલ તેના રહસ્યો ખોલશે. માતાની હત્યા કર્યા બાદ 3 દિવસ સુધી મૃતદેહને છુપાવનાર પુત્રએ ગોખેલું સ્ટેટમેન્ટ ઉચ્ચાર્યાની અઢી મિનિટ પછી જ પોલીસ સમક્ષ સત્ય કહી દીધું.
આ પણ વાંચો: પુત્ર બન્યો જનેતાનો હત્યારો : હત્યાનું કારણ જાણીને તમેં પણ ચોંકિ જશો...
પિતા બાદ પોલીસને બતાવી પિસ્તોલ: પીજીઆઇના યમુનાપુરમમાં 7 જૂનના રોજ, સાધના સિંહની હત્યાની માહિતી મેળવ્યા પછી, યમુનાપુરમના તે ઘરે પહોંચેલા ઇન્સ્પેક્ટરને કહ્યું કે, તેણે આરોપી પુત્રને ગેટ પર ઊભો જોયો. જાણે તે પોલીસ આવવાની રાહ જોઈ રહ્યો હતો. તેણે કહ્યું કે, મારી માતાની હત્યા એક વ્યક્તિએ કરી છે. તે પણ રોજ ઘરે આવતો હતો. તે પછી તે પોતે અમને અંદર લઈ ગયો. ઘરમાં પ્રવેશતાની સાથે જ પહેલા રૂમમાં રાખેલા ડાઈનિંગ ટેબલ પર નવીન સિંહની ગન એન્ડ શેલ ફેક્ટરી(Gun & Shell Factory), કોલકાતામાંથી બનેલી પિસ્તોલ રાખવામાં આવી હતી. દીકરાએ પહેલા પિસ્તોલ બતાવી. પોલીસે પૂછ્યું કે અહીં પિસ્તોલ શા માટે રાખી છે, જેના જવાબમાં પુત્રએ કહ્યું હતું કે, તમને ફોન કરતા પહેલા પિતાને વિડિયો કોલ કરીને પિસ્તોલ બતાવીને આનાથી જ માતાની હત્યા કરી હોવાનું જણાવ્યું હતું એટલે કે તે દરમિયાન તેણે તેની માતાની હત્યા કરી હોવાની કબૂલાત કરી હતી. તે સ્પષ્ટ છે કે, આરોપી પુત્ર ગેટની બહાર પિસ્તોલ બતાવતી વખતે બોલવાનું ભૂલી ગયો હતો અને તેણે કબૂલાત કરી હતી કે તેણે પિતાને કહ્યું હતું કે, તેણે પિસ્તોલથી હત્યા કરી હતી. આટલું જ નહીં સ્થળ પર કબૂલાત બાદ પોલીસ એવું પણ કહી રહી છે કે, આરોપી આકાશ નામના ઈલેક્ટ્રિશિયન પર છેવટ સુધી હત્યાનો આરોપ લગાવતો હતો.
આ પણ વાંચો: PUBG ગેમે છિનવી પરિવારની ખુશી
પિતાના વિડિયો કોલના 2 કલાક પછી પોલીસને મળી માહિતી: માસૂમ બહેન સાથે તેના ઘરે માતાના મૃતદેહ સાથે 3 દિવસ વિતાવ્યા પછી, 7મી જૂનના રોજ સાંજે લગભગ 6 વાગ્યે, આરોપી પુત્રએ આસનસોલ, કોલકાતામાં આર્મીમાં નોકરી કરતા JCO પિતા નવીન સિંહનેને સીધો ફોન કરવાને બદલે તેણે વોટ્સએપ વીડિયો કોલ કરીને જણાવ્યું કે, તેની માતાની પિસ્તોલથી હત્યા કરવામાં આવી છે. આ પછી સૈનિક પિતાએ તેના પિતરાઈ ભાઈને આ સમગ્ર ઘટનાની જાણકારી આપી. નવીનનો આ ભાઈ ડાયલ 112 અમેઠીમાં પોસ્ટેડ છે. ઈન્સ્પેક્ટરે બે કલાક પછી પીજીઆઈ ઈન્સ્પેક્ટરને ફોન કરીને જાણ કરી. પરંતુ, ત્યાં સુધીમાં પોલીસ સ્ટેશન છોડીને જતી રહી હતી. આટલું જ નહીં, ઈન્સ્પેક્ટર ભાઈ કે અન્ય કોઈએ પણ આરોપી પુત્ર સાથે વાત કરી ન હતી. આવી સ્થિતિમાં સવાલ એ થાય છે કે, આખરે તે વ્યક્તિ કોણ હતી, જે આરોપી પુત્રને પોલીસ સમક્ષ જૂઠું બોલવા માટે સમજાવી રહી હતી અને તેણે પુત્રને પોલીસ આવવાની માહિતી આપીને દરવાજો ખુલ્લો રાખવા કહ્યું હતું.
શું સગીર બોલે છે ગોખેલું સ્ટેટમેન્ટઃ બાળ અધિકાર સંરક્ષણ આયોગના સભ્ય સુચિતા ચતુર્વેદી જણાવે છે કે, માતાની હત્યાના આરોપમાં બાળ સુધાર ગૃહમાં આરોપી સગીરની અત્યાર સુધી બાળ કલ્યાણ સમિતિ (Child Welfare Committee) અને જુવેનાઇલ જસ્ટિસ બોર્ડ (Juvenile Justice Board) બે વાર કાઉન્સેલિંગ કરી ચુકયુ છે. અત્યાર સુધી કરાયેલી કાઉન્સેલિંગ પરથી સ્પષ્ટપણે જોવા મળે છે કે, સગીર માત્ર ગોખેલું સ્ટેટમેન્ટ બોલી રહ્યો છે. તેમના કહેવા પ્રમાણે, થોડા સમય પછી બાળકનું કાઉન્સેલિંગ કરવામાં આવશે, જેથી એ જાણી શકાય કે તેને આ બધું કહેવાનું કોણે કહ્યું છે.
