મુંબઈ: મુંબઈ પોલીસને એવી માહિતી મળી છે કે અંડરવર્લ્ડ ડોન દાઉદના સાગરિતો વડાપ્રધાન મોદીને મારવાનું કાવતરું ઘડી રહ્યા છે.(Narendra Modis death threats ) ટ્રાફિક પોલીસ નંબર પર એક ઓડિયો સંદેશ મળ્યો છે. જે બાદ હવે મુંબઈ પોલીસ સતર્ક થઈ ગઈ છે અને તપાસ શરૂ કરી છે.
જાનથી મારી નાખવાની ધમકીઓઃ વડાપ્રધાન નરેન્દ્ર મોદીને પણ એપ્રિલમાં જાનથી મારી નાખવાની ધમકીઓ આપવામાં આવી હતી. મુંબઈની NIA બ્રાન્ચમાં આ અંગે એક મેઈલ આવ્યો હતો. મેઈલર પાસે 20 કિલો RDX તૈયાર છે. અને 20 લાખ લોકોને મારવાનું કાવતરું ઘડવામાં આવ્યું હોવાની માહિતી મળી હતી. આ મેઈલ એપ્રિલ મહિનામાં મુંબઈ ઓફિસ પર આવ્યો હતો.
મુંબઈ પોલીસ એલર્ટઃ મુંબઈ પોલીસને છેલ્લા કેટલાક મહિનાઓથી ધમકીભર્યા કોલ અને મેસેજ આવી રહ્યા છે. જેથી મુંબઈ પોલીસ સતર્ક થઈ ગઈ છે. થોડા મહિના પહેલા મુંબઈ પોલીસના ટ્રાફિક વિભાગને પાકિસ્તાન તરફથી આતંકવાદી હુમલા અંગેનો સંદેશ મળ્યો હતો. ત્યારબાદ પશ્ચિમી ઉપનગરોમાં એક હોટલને ઉડાવી દેવાની ધમકી આપવામાં આવી હતી.
