શ્રીનગર: વસંતઋતુના આગમન સાથે હવામાન ગરમ થતાં પ્રવાસી પક્ષીઓએ કાશ્મીર ઘાટી છોડવાનું શરૂ કર્યું છે. આ પક્ષીઓ ઉનાળા અને પાનખરની શરૂઆતમાં ઘણા એશિયન અને યુરોપિયન દેશોમાં સ્થળાંતર કરે છે અને શિયાળા પહેલા કાશ્મીર પાછા ફરે છે. આ શિયાળામાં 13 લાખથી વધુ પક્ષીઓએ ખીણની મુલાકાત લીધી હતી. અધિકારીઓના જણાવ્યા અનુસાર દર વર્ષે શિયાળાની મોસમ માણવા પક્ષીઓ કાશ્મીરમાં આવે છે.
13 લાખ પક્ષીઓની મુલાકાત: અધિકારીઓએ જણાવ્યું કે ઓક્ટોબર મહિનામાં આ પક્ષીઓ સાઇબેરિયા, ચીન, ફિલિપાઇન્સ, પૂર્વી યુરોપ અને જાપાનથી ઘાટીમાં પાંચથી છ મહિનાનું સ્થળાંતર શરૂ કરે છે. આમાંથી લગભગ 13 લાખ પક્ષીઓ ઓક્ટોબરથી કાશ્મીરની યાત્રા કરી ચૂક્યા છે. આ વર્ષે પક્ષીઓની વસ્તીમાં વધારો થવાના કારણોની ચર્ચા કરતા તેમણે કહ્યું કે જમ્મુ અને કાશ્મીર સરકારનું ટોચનું લક્ષ્ય વેટલેન્ડનું પુનઃસ્થાપન છે. ઘણી સરકારી સંસ્થાઓ તેમના કાર્યક્ષેત્રમાં આવતી વેટલેન્ડ્સને પુનઃસ્થાપિત કરી રહી છે. આ પક્ષીઓની વધતી સંખ્યા એ સાબિતી આપે છે કે પ્રયત્નો ફળી રહ્યા છે.
આ પણ વાંચો: Ramsar Site Khijadiya Attributes : પક્ષીઓની 314 પ્રજાતિનું ઘર ખીજડીયા અભયારણ્ય કઇ રીતે બન્યું જાણો છો?
સ્થળાંતર અને સ્થાનિક પક્ષીઓની વસ્તી ગણતરી: વેટલેન્ડ્સ માટે કાશ્મીર વાઇલ્ડલાઇફ વોર્ડન ઇફશાન દિવાને ઇટીવી ભારતને જણાવ્યું હતું કે કાશ્મીરમાં ઓક્ટોબરના અંતમાં પક્ષીઓનું સ્થળાંતર શરૂ થાય છે અને માર્ચના મધ્ય સુધી ચાલે છે. જેમ જેમ સ્થળાંતર હંમેશની જેમ આગળ વધે છે. પાછલા વર્ષોની જેમ કેટલાક પક્ષીઓ હજુ પણ ભેજવાળી જગ્યામાં બાકી છે. ગયા મહિને વેટલેન્ડ્સ વિભાગે કાશ્મીર ખીણની ભીની જમીનમાં રહેતા સ્થળાંતર અને સ્થાનિક પક્ષીઓની વસ્તી ગણતરી હાથ ધરી હતી.
આ પણ વાંચો: Migratory birds in Porbandar: શિયાળામાં મોકર સાગર વેટલેન્ડમાં યાયાવર પક્ષીઓનો જમાવડો
પ્રવાસી પક્ષીઓની સતત વધતી સંખ્યા: તેમણે કહ્યું કે 2022માં કાશ્મીરમાં પ્રવાસી પક્ષીઓની સંખ્યા વધીને 12 લાખ થવાની ધારણા છે, જે 2019 પછી સૌથી વધુ છે. અમે 70 વિવિધ પક્ષીઓની પ્રજાતિઓ પણ ગણી છે. જેમાં લાંબી પૂંછડીવાળા બતકનો સમાવેશ થાય છે, જે વુલર તળાવમાં જોવા મળે છે. આ બતક 84 વર્ષ બાદ ખીણમાં પરત ફર્યું છે. આ વર્ષે પણ લગભગ 13 લાખ પક્ષીઓ આવ્યા છે. જે છેલ્લા ચાર વર્ષમાં સૌથી વધુ છે. તેમાં ટફ્ટેડ ડક, ગુડવાલ, બ્રાહ્મણી બતક, ગાર્ગન્ટુઆન, ગ્રેલેગ ગૂસ, મલાર્ડ, કોમન મર્ગેન્સર, નોર્ધન પિનટેલ, કોમન પોચાર્ડ, ફેરુજીનસ પોચાર્ડ, રેડ ક્રેસ્ટેડ પોચાર્ડ, રડી શેલ્ડક, નોર્ધન શોવેલર, કોમન ટીલ અને યુરેશિયન વેગટેલ જેઓ કાશ્મીર આવે છે. .
