નવી દિલ્હી: દિલ્હી એક્સાઇઝ પોલિસી કૌભાંડ કેસમાં CBI દ્વારા દાખલ કરવામાં આવેલા કેસમાં જામીન અરજી ફગાવી દેવામાં આવ્યા બાદ દિલ્હીના પૂર્વ નાયબ મુખ્યપ્રધાન મનીષ સિસોદિયાએ આજે દિલ્હી હાઈકોર્ટનો સંપર્ક કર્યો છે. બુધવારે હાઈકોર્ટમાં સુનાવણી માટે સિસોદિયાના વકીલો વતી અરજી દાખલ કરવામાં આવી હતી. દિલ્હી હાઈકોર્ટે આ અરજીને ગુરુવારે સુનાવણી માટે સૂચિબદ્ધ કરી છે. સિસોદિયાની જામીન અરજી પર જસ્ટિસ દિનેશ કુમાર શર્માની કોર્ટમાં સુનાવણી થશે.
આ પણ વાંચોઃ BJP foundation day: ભારતીય જનતા પાર્ટીનો ઉદય અને ઇતિહાસ અત્યંત રસપ્રદ
કેસમાં ષડયંત્રનો માસ્ટરમાઈન્ડઃ 31 માર્ચના રોજ નીચલી કોર્ટ (રાઉસ એવન્યુ કોર્ટ)ના વિશેષ સીબીઆઈ જજ એમકે નાગપાલે સિસોદિયાની જામીન અરજી ફગાવી દીધી હતી અને કહ્યું હતું કે, પ્રથમ નજરે સિસોદિયા આ કેસમાં ષડયંત્રનો માસ્ટરમાઈન્ડ હતો. 90-100 કરોડની એડવાન્સ લાંચ લેવાના બદલામાં દારૂના વેપારીઓને એક્સાઇઝ પોલિસીમાં 12 ટકા કમિશનની જોગવાઈ કરવામાં આવી હતી. સિસોદિયાએ પોતાને અને તેના સાથીદારોને કથિત એડવાન્સ લાંચની ચુકવણીમાં ગુનાહિત કાવતરામાં સૌથી મહત્વપૂર્ણ અને અગ્રણી ભૂમિકા ભજવી હતી.
જામીન અરજી ફગાવીઃ ન્યાયાધીશે સિસોદિયાને કેસના મુખ્ય આર્કિટેક્ટ ગણાવીને જામીન અરજી ફગાવી દીધી હતી. ન્યાયાધીશે આદેશમાં એવી પણ ટિપ્પણી કરી હતી કે, સિસોદિયાને જામીન આપવાથી સાક્ષી અને કેસની તપાસ પર પ્રતિકૂળ અસર થઈ શકે છે. સીબીઆઈના વકીલે સિસોદિયાની જામીન અરજીનો વિરોધ કરતા કહ્યું હતું કે, કેસની તપાસ નિર્ણાયક તબક્કે છે. આવી સ્થિતિમાં આરોપીઓને જામીન આપવા યોગ્ય નથી. આ પછી જ આમ આદમી પાર્ટીએ સિસોદિયાના જામીન માટે દિલ્હી હાઈકોર્ટમાં જવાની વાત કરી હતી. જે બાદ સિસોદિયાના વકીલોએ હાઈકોર્ટમાં જામીન અરજી દાખલ કરી છે.
આ પણ વાંચોઃ MHA એ રાજ્યો અને કેન્દ્રશાસિત પ્રદેશોને હનુમાન જયંતિ દરમિયાન કાયદો અને વ્યવસ્થા સુનિશ્ચિત કરવા સૂચન
