નવી દિલ્હીઃ દેશમાં પહેલાથી જ મોંઘવારીથી પરેશાન સામાન્ય માણસને આજે વધુ એક ઝટકો (LPG cylinders price hike) લાગ્યો છે. મોંઘવારી ફરી એકવાર રસોડામાં પડી છે. ઘરેલુ એલપીજી સિલિન્ડરની કિંમતમાં 50 રૂપિયાનો વધારો થયો છે. 14.2 કિલોના ઘરેલુ એલપીજી સિલિન્ડરની કિંમતમાં આજથી 50 રૂપિયાનો વધારો કરવામાં આવ્યો છે. ઘરેલુ એલપીજી સિલિન્ડરની નવી કિંમત હવે 999.50 રૂપિયા પ્રતિ સિલિન્ડર થશે. ઘરેલુ એલપીજી સિલિન્ડરની વધેલી કિંમત આજથી દેશભરમાં લાગુ (domestic cylinder price ) કરવામાં આવી છે.
આ પણ વાંચો: રાજ ઠાકરેની મુસીબતોમાં વધારો, હવે બીડ કોર્ટે પણ જાહેર કર્યું બિનજામીનપાત્ર વોરંટ
ઘરેલુ એલપીજી સિલિન્ડરના ભાવમાં ફરી વધારો: નોંધનીય છે કે આ પહેલા 22 માર્ચે ઘરેલુ એલપીજીની કિંમતમાં પ્રતિ સિલિન્ડર 50 રૂપિયાનો વધારો કરવામાં આવ્યો (Domestic LPG cylinder increased by Rs 50) હતો, ત્યારબાદ દિલ્હીમાં 14.2 કિલોના એલપીજી સિલિન્ડરની કિંમત 949.50 રૂપિયા પર પહોંચી ગઈ હતી. હવે ફરી એકવાર લોકો મોંઘવારીથી ત્રસ્ત થયા છે. કિંમતમાં વધારા બાદ હવે દિલ્હીમાં ઘરેલુ એલપીજી સિલિન્ડરની કિંમત 999.50 રૂપિયા પર પહોંચી ગઈ છે.
એક તારીખે પણ ભાવમાં વધારો કરવામાં આવ્યો હતો: આ મહિનાની 1લી તારીખે ઓઈલ કંપનીઓએ એલપીજી ગેસના ભાવમાં 102.50 રૂપિયાનો વધારો કર્યો હતો. 19 કિલોના કોમર્શિયલ સિલિન્ડર પર આ કિંમતોમાં વધારો કરવામાં આવ્યો છે. કિંમતમાં વધારા બાદ હવે આ બ્લુ સિલિન્ડરની નવી કિંમત દિલ્હીમાં 2355.50 રૂપિયા થઈ ગઈ છે. પહેલા તેની કિંમત 2253 રૂપિયા હતી.
આ પણ વાંચો: દિવસભરના 20 કલાકના ધમાસાણ બાદ તેજિન્દર બગ્ગાને મળી રાહત
એલપીજી સિલિન્ડરની કિંમત: તેમજ 5 કિલોના એલપીજી સિલિન્ડરની કિંમત હાલમાં 655 રૂપિયા છે. એક મહિના પહેલા 1 એપ્રિલે એલપીજી સિલિન્ડરના ભાવમાં 250 રૂપિયાનો વધારો કરવામાં આવ્યો હતો. આ પહેલા 1 માર્ચે 19 કિલોના કોમર્શિયલ ગેસ સિલિન્ડરની કિંમતમાં 105 રૂપિયાનો વધારો કરવામાં આવ્યો હતો, જ્યારે 22 માર્ચે તેમાં 9 રૂપિયાનો વધારો કરવામાં આવ્યો હતો.
