- PM મોદીએ પ્રધાનમંત્રી ડિજિટલ હેલ્થ મિશનની કરી શરૂઆત
- દરેક ભારતીયને એક યુનિક ડિજિટલ હેલ્થ આઈડી આપવામાં આવશે
- આ આઈડીમાં હશે વ્યક્તિના સ્વાસ્થ્ય સંબંધિત સંપૂર્ણ રેકોર્ડ
- બીમારીની સારવાર, દવાઓ અને ટેસ્ટમાં સરળતા રહેશે
હૈદરાબાદ: આયુષ્યમાન ભારત - પ્રધાનમંત્રી જન આરોગ્ય યોજના (AB PM-JAY)ની ત્રીજી વર્ષગાંઠ પર વડાપ્રધાન નરેન્દ્ર મોદીએ સોમવારના પ્રધાનમંત્રી ડિજિટલ હેલ્થ મિશન (PM-DHM)ની શરૂઆત કરી. પહેલા આ નેશનલ ડિજિટલ હેલ્થ મિશન (NDHM)ના નામે ચાલી રહી હતી. આ હેલ્થ મિશન અંતર્ગત દરેક ભારતીયને એક યૂનિક ડિજિટલ હેલ્થ આઈડી આપવામાં આવશે, જેમાં તેમનો સ્વાસ્થ્ય સંબંધિત રેકોર્ડ નોંધાયેલો હશે. આ પ્રોજેક્ટને 15 ઑગસ્ટ, 2020ના 6 રાજ્યો અને કેન્દ્રશાસિત પ્રદેશોમાં લૉન્ચ કરવામાં આવ્યો હતો. આ રાજ્યોમાં સફળતા બાદ આખા દેશમાં તેને લાગું કરવામાં આવ્યો છે.
દરેક નાગરિકને એક યુનિક ડિજિટલ હેલ્થ કાર્ડ આપવામાં આવશે
પ્રધાનમંત્રી ડિજિટલ હેલ્થ મિશન અંતર્ગત દરેક નાગરિકને એક યુનિક ડિજિટલ હેલ્થ કાર્ડ આપવામાં આવશે. કાર્ડ પર 14 આંકડાનો નંબર હશે, જે યુનિક હેલ્થ આઈડી હશે, જેવી રીતે કે બે આદમીના આધાર નંબર અથવા પાનકાર્ડ એક જેવા ન હોઈ શકે, એ જ રીતે દરેક યુઝરને એક હેલ્થ આઈડી નંબર આપવામાં આવશે. એકવાર નંબર જનરેટ થઈ ગયા બાદ તમારી હેલ્થ હિસ્ટ્રી તમારા રેકોર્ડમાં અપડેટ થતી રહેશે. આ પ્રક્રિયામાં દરેક નાગરિક, હૉસ્પિટલ અથવા ક્લિનિક અને ડૉક્ટર્સ તમામ એક સેન્ટ્રલ સર્વર સાથે જોડાયેલા રહેશે.
જૂનો ડેટા જાતે જ અપલોડ કરવાનો રહેશે
એ ધ્યાનમાં રહે કે કાર્ડ બન્યા પહેલાનો ડેટા જાતે જ સ્કેન કરીને અપલોડ કરવાનો રહેશે. ત્યારબાદ હૉસ્પિટલમાં NDHM કર્મચારીની મદદથી તમામ હેલ્થ રેકૉર્ડ્સ અપલોડ કરવામાં આવશે. તમારે ફક્ત તમારા યુનિક ID કાર્ડમાં રહેલો 14 ડિજિટનો યુનિક નંબર જણાવવાનો રહેશે. ત્યારબાદ જ્યારે પણ તમે કોઈ બીમારીની સારવાર કરાવશો અથવા સંબંધિત ટેસ્ટ કરાવશો તો તેનો રિપોર્ટ આપમેળે તમારા હેલ્થ રેકોર્ડ સાથે જાડાઈ જશે.
જાણો શું છે હેલ્થ કાર્ડના ફાયદા
- જો તમે દેશના કોઈપણ ખૂણામાં સારવાર માટે જશો તો તમારે કોઈપણ તપાસ રિપોર્ટ કે ચિઠ્ઠી નહીં લઈ જવી પડે. તમે હૉસ્પિટલ કર્મચારી અથવા ડૉક્ટરને યુનિક આઈડી જણાવશો. તે પોતાની એપ્લિકેશનમાં નંબર નાંખશે. ત્યારબાદ તમારા મોબાઇલ ફોન પર એક ઓટીપી આવશે. ઓટીપી નાંખતા જ તમારી મેડિકલ હિસ્ટ્રી ડૉક્ટરને દેખાવા લાગશે. તેમને તમારી બીમારીમાં પહેલા થયેલી સારવાર, દવાઓ અને ટેસ્ટ વિશે જાણકારી મળી જશે.
- આવું એ કારણે સંભવ થશે કેમકે તમારી તમામ જાણકારી હેલ્થકાર્ડમાં હશે. આ સાથે જ દર્દીને વારંવાર ટેસ્ટ કરાવવાની ઝંઝટમાંથી પણ મુક્તિ મળી જશે. તેમનો સમય અને ખર્ચ પણ બચશે.
- અનેકવાર એવું બને છે કે આપણે બીજા શહેરમાં બેઠેલા ડૉક્ટર પાસેથી ઑનલાઇન અથવા ફોનથી કાઉન્સલિંગ લઈએ છીએ. આવી સ્થિતિમાં ડૉક્ટરને રિપોર્ટ વ્હોટ્સએપ કરવો અને સમજવો મુશ્કેલ હોય છે, પરંતુ હેલ્થ આઈડી અપડેટ થતી રહેશે. ડૉક્ટરો કેસ હિસ્ટ્રી અને રિપોર્ટ્સ સરળતાથી ઑનલાઇન જોઇ શકશે.
શું આનાથી પ્રાઇવસી તો ખત્મ નહીં થાય?
જેવી રીતે પાન કાર્ડ નંબર જાણી લેવાથી એ ના જાણી શકાય કે કોણ કેટલું કમાઈ રહ્યું છે અને કેટલો ટેક્સ ભરી રહ્યું છે, એ જ રીતે હેલ્થકાર્ડનો ડેટા પણ સુરક્ષિત રહેશે. જ્યાં સુધી તમે તેનાથી લિંક્ડ મોબાઇલ નંબર પર આવેલો ઓટીપી શેર નથી કરતા, ત્યાં સુધી આને સ્ક્રીન પર જોવું શક્ય નથી. એક ઓટીપીનો ઉપયોગ એક જ વાર થશે. જો કોઈ હૉસ્પિટલમાં ડૉક્ટર કોઈ દર્દીની હિસ્ટ્રી જોઇ રહ્યા છે અને આ દરમિયાન તેમણે કોઈ બીજા દર્દીનું હેલ્થકાર્ડ ખોલી દીધું તો પહેલાવાળા દર્દીનો ડેટા લોક થઈ જશે. તેને ફરીવાર ખોલવા માટે ઓટીપી મંગાવવી પડશે. જો તમે મંજૂરી નથી આપતા તો ડેટા નહીં જોવા મળે એટલે કે આ સંપૂર્ણ રીતે સુરક્ષિત છે.
કેવી રીતે બનશે કરોડો ભારતીયોના હેલ્થ કાર્ડ?
આ કાર્ડ આધાર નંબર અને મોબાઇલ નંબર દ્વારા પણ બનાવી શકાશે. ગૂગલ પ્લેસ્ટોરથી NDHM હેલ્થ રેકોર્ડ એપ્લિકેશન ડાઉનલોડ કરવાની રહેશે. જો તમે આધાર નંબરની સાથે એનરોલ્ડ છો તો તેનાથી સંબંધિત ઓટીપી સહિત તમામ મેસેજ તેનાથી જોડાયેલા ફોન નંબર પર આવશે. તમે ફક્ત મોબાઇલ ફોન નંબર દ્વારા પણ હેલ્થકાર્ડ માટે રજિસ્ટ્રેશન કરાવી શકશો, જેમની પાસે મોબાઇલ ફોન નથી તેઓ રજિસ્ટર્ડ સરકારી-ખાનગી હૉસ્પિટલ, હેલ્થ સેન્ટર્સ અને કૉમન સર્વિસ સેન્ટર વગેરે પર કાર્ડ બનાવી શકશે. ત્યાં તમારે નામ, જેન્ડર, સરનામું, જન્મ તારીખ જેવી જાણકારીઓ આપવાની રહેશે.
આ કાર્ડ બનાવવું ફરજિયાત નથી
-
आयुष्मान भारत- डिजिटल मिशन, अब पूरे देश के अस्पतालों के डिजिटल हेल्थ सोल्यूशंस को एक दूसरे से कनेक्ट करेगा।
— PMO India (@PMOIndia) September 27, 2021 " class="align-text-top noRightClick twitterSection" data="
इसके तहत देशवासियों को अब एक डिजिटल हेल्थ आईडी मिलेगी।
हर नागरिक का हेल्थ रिकॉर्ड डिजिटली सुरक्षित रहेगा: PM @narendramodi
">आयुष्मान भारत- डिजिटल मिशन, अब पूरे देश के अस्पतालों के डिजिटल हेल्थ सोल्यूशंस को एक दूसरे से कनेक्ट करेगा।
— PMO India (@PMOIndia) September 27, 2021
इसके तहत देशवासियों को अब एक डिजिटल हेल्थ आईडी मिलेगी।
हर नागरिक का हेल्थ रिकॉर्ड डिजिटली सुरक्षित रहेगा: PM @narendramodiआयुष्मान भारत- डिजिटल मिशन, अब पूरे देश के अस्पतालों के डिजिटल हेल्थ सोल्यूशंस को एक दूसरे से कनेक्ट करेगा।
— PMO India (@PMOIndia) September 27, 2021
इसके तहत देशवासियों को अब एक डिजिटल हेल्थ आईडी मिलेगी।
हर नागरिक का हेल्थ रिकॉर्ड डिजिटली सुरक्षित रहेगा: PM @narendramodi
આના ઉપયોગ દરમિયાન જો કોઈપણ પ્રકારની સમસ્યા આવે છે તો ndhm@nha.gov.in પર મેઇલ કરી શકો છો અથવા ટોલ ફ્રી નંબર 1800-11-4477/14477 પર કૉલ કરી શકો છો. આ કાર્ડ લેવું કે બનાવવું અનિવાર્ય નથી. સરકાર પ્રમાણે સ્વૈચ્છિક છે. કાર્ડ બનાવ્યા બાદ જો તમે આને ચલાવવામાં સક્ષમ નથી તમે નૉમિનીને પણ જોડી શકો છો. અત્યારે ભારતમાં રાષ્ટ્રીય ટેલીમેડિસિન સેવાનો દરરોજ લગભગ 90,000 લોકો લાભ લઈ રહ્યા છે. હેલ્થ કાર્ડ જેવી સુવિધા ઉપલબ્ધ થયા બાદ ટેલીમેડિસીન એટલે કે વિડીયો કૉલથી સારવાર કરાવનારાઓની સંખ્યા વધશે.
આ પણ વાંચો: ભારત બંધ : જાણો શું છે કૃષિ કાયદાઓ, જેના પર સરકાર અને ખેડૂતો છે આમને-સામને
આ પણ વાંચો: સ્વિગી-ઝોમેટો વસૂલશે જીએસટી, પણ તમારા ખિસ્સા પર નહીં પડે બોજ, જાણો કેવી રીતે?
