કર્ણાટકના પ્રધાનનો સીડી કાંડને લઈને મોટા સમાચાર, જળસંસાધન પ્રધાન રમેશ જારકીહોલીનું રાજીનામું

કર્ણાટકના જળ સંસાધન પ્રધાન રમેશ જારકીહોલી પર જાતીય શોષણનો આક્ષેપ કરવામાં આવ્યો છે. દિનેશ કલ્લહલ્લી નામના એક સામાજિક કાર્યકર્તાએ આ મામલે બેંગ્લોરના પોલીસ કમિશનર સમક્ષ ફરિયાદ નોંધાવી હતી. જોકે, જારકીહોલીએ આ આરોપને ખોટો ગણાવતા હવે રાજીનામું આપ્યું છે. તેઓએ આ સંદર્ભમાં તપાસની માંગ કરી છે.

• કર્ણાટકના જળસંસાધન પ્રધાન રમેશ જારકીહોલી પર પરજાતીય શોષણનો આક્ષેપ
• દિનેશ કલ્લહલ્લી નામના સામાજિક કાર્યકર્તાએ બેંગ્લોરના પોલીસને ફરિયાદ નોંધાવી
• જળ સંસાધન પ્રધાન રમેશ જારકિહોલીએ મુખ્ય પ્રધાનને રાજીનામું આપ્યું

બેંગ્લોર: કર્ણાટકના જળસંસાધન પ્રધાન રમેશ જારકીહોલી પરજાતીય શોષણનો આક્ષેપ કરવામાં આવ્યો છે. એક સીડીમાં પ્રધાન મહિલા શારીરિક સુખ માણવાનું કહેતા હોવાનું કહેવામાં આવ્યું છે. આ સીડી મંગળવારે ન્યૂઝ ચેનલોને જાહેર કરવામાં આવી હતી. દિનેશ કલ્લહલ્લી નામના એક સામાજિક કાર્યકર્તાએ આ મામલે બેંગ્લોરના પોલીસ કમિશનરને ફરિયાદ નોંધાવી છે અને પીડિતાની સુરક્ષાની માંગ કરી હતી. જ્યારે હવે, રમેશ જારકિહોલીએ રાજીનામું આપ્યું છે. કહેવાય છે કે, તેમણે પોતાનું રાજીનામું મુખ્ય પ્રધાનને મોકલી દીધું છે.

વીડિયોની સ્પષ્ટતા માટે હાઈકમાન્ડને મળવા જશે

આ અંગે પ્રધાને કહ્યું કે, 'આ એક બનાવટી વીડિયો છે. હું સ્ત્રી અને ફરિયાદીને ઓળખતો નથી. હું મૈસુરમાં હતો અને ચામુંડેશ્વરી મંદિર ગયો હતો.' તેણે કહ્યું કે 'મને પણ ખબર નથી કે વીડિયો શેના વિશે છે, કારણ કે મેં તે મહિલા સાથે ક્યારેય વાત કરી નથી. હું કથિત વીડિયો વિશેની સ્પષ્ટતા માટે મારી હાઈકમાન્ડને મળવા જઈ રહ્યો છું. આ સંદર્ભે મેં મુખ્યપ્રધાન યેદિયુરપ્પા સાથે પણ વાત કરી છે. તેમણે કહ્યું કે, આ મુદ્દાની તપાસ થવી જોઇએ.

કોંગ્રેસ-જેડીએસની સરકાર પડી હતી

ફરિયાદ નોંધ્યા પછી કલ્લહલ્લીએ પત્રકારોને જણાવ્યું હતું કે, આ સીડીમાં પ્રધાન દેખાઈ રહ્યા છે, જે મહિલાને સેક્સ માણવાનું કહે છે. તેણે કહ્યું કે 'મેં ફરિયાદ નોંધાવી છે કારણ કે પીડિતા ખૂબ ડરી ગઈ છે. તે તેના જીવન પર જોખમ અનુભવે છે. રમેશ જારકિહોલી રાજ્યના સૌથી પ્રભાવશાળી રાજકીય પરિવાર સાથે સંબંધ ધરાવે છે અને તે બેલગાવી જિલ્લાનો એક મોટો ચીની ઉદ્યોગપતિ છે. રમેશ કોંગ્રેસ અને જેડીએસના 17 પક્ષકારોમાંનો એક છે, જેના બદનામીના કારણે રાજ્યની કોંગ્રેસ-જેડીએસની સરકાર 2019માં પડી.