ભારતીય નૌકાદળની 'સાઇલન્ટ કિલર' સબમરીન INS કરંજ, મેક ઇન ઇન્ડિયાથી દુશ્મન ભાગશે

સ્કોર્પિયન ક્લાસની સબમરીન INS કરંજ બુધવારે ભારતીય નૌકાદળના કાફલામાં જોડાઇ હતી. INS કરંજને મુંબઈના નેવલ ડોકયાર્ડમાં એક કાર્યક્રમ દરમિયાન નૌકાદળમાં સામેલ કરવામાં આવી હતી.

• INS કરંજ બુધવારે ભારતીય નૌકાદળના કાફલામાં જોડાઈ
• INS કરંજ 'સાઇલન્ટ કિલર' થઈને દુશ્મનોને ભોંય ભેગા કરશે
• INS કરંજને મેક ઇન ઇન્ડિયા અભિયાનમાં મોટી સફળતા

નવી દિલ્હી: . ભારતીય નૌકાદળમાં વધુ એક તાકાતનો વધારો થયો છે. સ્કોર્પિયન ક્લાસની સબમરીન INS કરંજ બુધવારે ભારતીય નૌકાદળના કાફલામાં જોડાઈ હતી. INS કરંજને મુંબઈના નેવલ ડોકયાર્ડમાં એક કાર્યક્રમ દરમિયાન શામેલ કરવામાં આવી હતી. 'સાઇલન્ટ કિલર' તરીકે જાણીતા INS કરંજને મેક ઇન ઇન્ડિયા અભિયાનમાં મોટી સફળતા માનવામાં આવે છે.

આ પણ વાંચો: INS વાલસુરા ખાતે પ્રજાસત્તાક દિવસ નિમિત્તે પીઢ સૈનિકો માટે હાઇ-ટી કાર્યક્રમ યોજાયો

INS કરંજની તાકાત શું છે?

મળતી માહિતી મુજબ, INS કરંજની લંબાઈ આશરે 70 મીટર છે, જ્યારે ઉંચાઇ 12 મીટર છે. આ સબમરીનનું વજન લગભગ 1600 ટન છે. આ સબમરીન મિસાઇલ ટોર્પીડોથી સજ્જ છે, તેમજ સમુદ્રની અંદર માઇન્સ મૂકીને દુશ્મનનો નાશ કરે તેવી સંભાવના છે.

આ પણ વાંચો: ઓપરેશનલ ક્ષમતાઓ પર વધુ ધ્યાન આપવા માટે લીઝ મોડેલ જરૂરી: વાઇસ એડમિરલ

અવાજ કર્યા વિના દુશ્મનને નુકસાન પહોંચાડી શકે

આ મેક ઇન ઇન્ડિયા સબમરીનની તાકાત એ પણ છે કે તે રડારથી પકડ્યા વિના અવાજ કર્યા વિના, દુશ્મનને નુકસાન પહોંચાડી શકે છે. આ જ કારણ છે કે, લાંબા સમય સુધી પાણીમાં રહેવાથી આ સબમરીન સમુદ્રમાં ભારતી નૌકાદળને મજબૂત બનાવશે. INS કરંજ ડીઝલ ઇલેક્ટ્રિક સબમરીન છે. કદની દ્રષ્ટિએ, આ સબમરીન પરમાણુ સબમરીન કરતા ઓછી હોઈ શકે છે, પરંતુ તે સૌથી ઘાતક પણ છે. તેના નાના કદને કારણે, તે સમુદ્રની નીચે શોધવું મુશ્કેલ છે, જે દુશ્મન માટે મુશ્કેલ બનાવી શકે છે.