નવી દિલ્હીઃ હોકી વર્લ્ડ કપ 2023ને હવે (Hockey World Cup 2023) ગણતરીના દિવસો જ બાકી છે. વર્લ્ડ કપ 13 જાન્યુઆરીથી શરૂ થશે, જેમાં 16 દેશો ભાગ લેશે. ભારતની પ્રથમ મેચ 13 જાન્યુઆરીએ સ્પેન સામે થશે. ભારતીય ટીમના ફોરવર્ડ ખેલાડી સુખજીત સિંહે (Indian hockey team player Sukhjit Singh) વર્લ્ડ કપ માટે ટીમની તૈયારીઓ વિશે ખુલીને વાત કરી હતી. સુખજીતે કહ્યું, 'હું ખૂબ ખુશ છું અને કોચ ગ્રેહામ રીડનો આભારી છું.
સુખજીતે કહ્યું કે, છેલ્લા એક વર્ષમાં મારું પ્રદર્શન જોયા બાદ મને ટીમનો ભાગ બનવાનો મોકો મળ્યો. હું રમવા માટે ઉત્સાહિત છું કારણ કે તે હોકીનો મહાકુંભ છે. વર્લ્ડ કપ આપણા હોમ ગ્રાઉન્ડ પર રમાઈ રહ્યો છે અને ભારતીય ચાહકોની સામે હોકી રમવી હંમેશા રોમાંચક હોય છે. ભારતીય પુરુષ હોકી ટીમ 27 ડિસેમ્બરે રાઉરકેલા પહોંચી છે અને સખત પ્રશિક્ષણ કરી રહી છે.
સુખજીતનો આ પહેલો વર્લ્ડ કપ છે. સુખજીતે ફેબ્રુઆરી 2022માં FIH મેન્સ હોકી પ્રો લીગ 2021/22માં સ્પેન સામે વરિષ્ઠ ટીમમાં સ્થાન મેળવ્યું હતું. આ મેચમાં એક ગોલ કર્યો. ત્યારથી, તેણે ભારત માટે 16 કેપ મેળવ્યા છે અને દેશ માટે ચાર ગોલ કર્યા છે. સુખજીતે કહ્યું, 'અમે સાંભળ્યું છે કે રાઉરકેલાની તમામ ટિકિટો વેચાઈ ગઈ છે, અને ટીમને સપોર્ટ કરવા માટે સ્ટેડિયમ ખીચોખીચ ભરાઈ જશે.
ભારતને પૂલ ડીમાં સ્પેન, ઈંગ્લેન્ડ અને વેલ્સ સામે રાખવામાં આવ્યું છે. સુખજીતનું માનવું છે કે વિરોધી ટીમો મજબૂત છે, પરંતુ છેલ્લા 1 વર્ષમાં ત્રણેય ટીમો સાથે મેચ રમવાથી ભારતને ઘણો ફાયદો થશે. અમે ગયા વર્ષે પ્રો લીગમાં સ્પેન અને ઈંગ્લેન્ડ સામે મેચ રમી હતી. આ સિવાય કોમનવેલ્થ ગેમ્સ 2022માં પણ વેલ્સનો સામનો કરવામાં આવ્યો હતો.
સુખજીતે કહ્યું કે, ટીમ ઓસ્ટ્રેલિયા સામેની પાંચ મેચની ટેસ્ટ શ્રેણી દરમિયાન કેટલાક એવા ક્ષેત્રોને મજબૂત કરવા પર ધ્યાન કેન્દ્રિત કરી રહી છે જ્યાં તેણે સંઘર્ષ કર્યો હતો. સુખજીતે ટૂર્નામેન્ટમાં ભારતીય ટીમની કેપ્ટનશિપ કરનાર હરમનપ્રીત સિંહની પણ પ્રશંસા કરી હતી. તેણે કહ્યું કે તે ટીમ માટે મહત્વપૂર્ણ ખેલાડી હશે. હરમનપ્રીત સિંહ આ સમયે વિશ્વના શ્રેષ્ઠ ડ્રેગ ફ્લિકર્સમાંથી એક છે.
