- દેશમાં છેલ્લા 24 કલાકમાં 20 હજારથી વધારે કોરોના કેસ સામે આવ્યા
- કોરોના સંક્રમણના કારણે વધુ 180 લોકોના જીવ ગયા
- છેલ્લા 200 દિવસમાં સૌથી ઓછા એક્ટિવ કેસ
નવી દિલ્હી: દેશમાં કોરોના (Coronavirus in India) છેલ્લા કેટલાક દિવસોથી સતત ઓછું થઈ રહ્યું છે, જે રાહતની વાત છે. કોરોનાના કેસો (Corona Cases in India)માં સતત ઘટાડાના કારણે લોકોએ રાહતનો શ્વાસ લીધો છે અને સ્વાસ્થ્ય વ્યવસ્થા પરનો ભાર હળવો થયો છે. જો કે હજુ પણ કોરોનાના કેસો આવી રહ્યા છે અને સાવધાની રાખવી જરૂરી છે. ધીમા કોરોના સંક્રમણ વચ્ચે છેલ્લા 24 કલાકમાં ભારતમાં કોવિડ-19ના 20,799 નવા કેસ સામે આવ્યા છે. તો સંક્રમણના કારણે 180 મોત થયા છે. આ જાણકારી કેન્દ્રીય સ્વાસ્થ્ય મંત્રાલયે (Ministry of Health) સોમવારના આપી.
છેલ્લા 200 દિવસના સૌથી ઓછા એક્ટિવ કેસ
- " class="align-text-top noRightClick twitterSection" data="">
સ્વાસ્થ્ય મંત્રાલય પ્રમાણે દેશમાં કોવિડ સંક્રમણના 2,64,458 સક્રિય કેસ છે, જે 200 દિવસમાં સૌથી ઓછા છે. તો અત્યાર સુધી 4,48,997 લોકોએ સંક્રમણના કારણે પોતાનો જીવ ગુમાવ્યો છે. આંકડાઓ પ્રમાણે દેશમાં અત્યાર સુધી કોરોનાના 3 કરોડ 38 લાખ 34 હજાર 702 કેસ આવી ચૂક્યા છે.
દેશમાં અત્યાર સુધી 57,42,52,400 કોવિડ-19 ટેસ્ટિંગ થયાં
છેલ્લા 24 કલાકમાં 26,718 દર્દીઓ ઠીક થવાની સાથે રિકવરી રેટ 97.89 ટકા છે. દેશમાં સ્વસ્થ થયેલા લોકોની સંખ્યા હવે 3,31,21,247 થઈ ગઈ છે. ઇન્ડિયન મેડિકલ રિસર્ચ કાઉન્સિલ (ICMR) પ્રમાણે દેશમાં અત્યાર સુધી 57,42,52,400 કોવિડ-19 ટેસ્ટિંગ કરવામાં આવી ચૂક્યા છે. તો 3 ઑક્ટોબરના 9,91,676 સેમ્પલની તપાસ થઈ છે. દેશે રાષ્ટ્રવ્યાપી કોવિડ-19 રસીકરણ અભિયાન હેઠળ અત્યાર સુધી 90.76 કરોડ લોકોને વેક્સિનના ડોઝ આપવામાં આવ્યા છે.
આ પણ વાંચો: Gujarat Corona Update : રાજ્યમાં છેલ્લા 24 કલાકમાં 25 પોઝિટિવ કેસ નોંધાયા, 14 લોકોને રજા આપવામાં આવી
આ પણ વાંચો: ભારતના નામે એક વધુ સિદ્ધિ : રસીકરણનો આંકડો 90 કરોડને પાર
