દિલ્હી: ભારતમાં એક દિવસમાં કોરોનાના 1,67,059 નવા કેસના (India Corona Update) નોંધાયા છે, દેશમાં કોરોનાના કેસ 4.14 કરોડનો આંકડો વટાવી ગયો છે. મંગળવારે સવારે 8 વાગે કેન્દ્રીય સ્વાસ્થ્ય મંત્રાલય દ્વારા જાહેર (Corona Case In India) કરવામાં આવેલા આંકડામાં આ માહિતી આપવામાં આવી છે.
કોરનાના કારણે 1,192 લોકોના મૃત્યુ
24 કલાકમાં કોરનાના કારણે વધુ 1,192 લોકોના મૃત્યુ થવાને કારણે મૃત્યુઆંક વધીને 4,96,242 થઈ ગયો છે. સારવાર હેઠળના કેસ ઘટીને 17,43,059 થઈ ગયા છે, જે કોરોનાના કુલ કેસના 4.20 ટકા છે, અને રીકવરી રેટ 94.60 ટકા છે.
આ પણ વાંચો: India Corona Update : દેશમાં 24 કલાકમાં 2.10 લાખ નવા કેસ, 959 મોત નોંધાયા
દૈનિક કોરોનાના કેસમાં દર 11.69 ટકા
દૈનિક કોરોનાના કેસમાં દર 11.69 ટકા હતો, જ્યારે સાપ્તાહિક દર 15.25 ટકા નોંધાયો હતો. સંક્રમિત લોકોની સંખ્યા વધીને 3,92,30,198 થઈ ગઈ છે. નવા કેસ સહિત દેશમાં કોરોના સંક્રમણના કેસ વધીને 4,14,69,499 થઈ ગયા છે. અત્યાર સુધીમાં દેશમાં લોકોને રસીના 166.68 કરોડથી વધુ ડોઝ આપવામાં આવ્યા છે.
આ પણ વાંચો: રાજ્યમાં કોરોના કેસમાં થયો ઘટાડો 24 કલાકમાં 9,395 પોઝિટિવ કેસ નોંધાયા, 30 દર્દીએ કોરોના સામે હારી જંગ
