ચેન્નાઈ: ચેસ ફેડરેશન ઓફ ઈન્ડિયા 44મા ચેસ ઓલિમ્પિયાડની યજમાની માટે બોલી(India bidding to host Chess Olympiad) લગાવી રહ્યું છે, જેને રશિયામાંથી ખસેડવામાં આવ્યું છે. એમ ઓલ ઈન્ડિયા ચેસ ફેડરેશન (AICF)ના એક વરિષ્ઠ અધિકારીએ જણાવ્યું હતું.
ઈવેન્ટનું બજેટ લગભગ 75 કરોડ રૂપિયા
AICF સેક્રેટરી ભરત સિંહ ચૌહાણે IANS ને કહ્યું, "અમે આ વખતે ચેસ ઓલિમ્પિયાડની યજમાની માટે બોલી લગાવી રહ્યા છીએ." આ ઈવેન્ટનું બજેટ લગભગ 75 કરોડ રૂપિયા હશે. જો ભારત બિડ જીતે છે, તો ચેસ ઓલિમ્પિયાડ 2013 પછી દેશમાં યોજાનારી બીજી મોટી વૈશ્વિક ચેસ સ્પર્ધા હશે.
ચેસ ઓલિમ્પિયાડ એ દ્વિવાર્ષિક ટીમ ઈવેન્ટ
વર્ષ 2013 માં, વિશ્વ ચેસ ચેમ્પિયનશિપ ભારતના તત્કાલીન ડિફેન્ડિંગ ચેમ્પિયન વી આનંદ અને નોર્વેના તત્કાલીન ચેલેન્જર મેગ્નસ કાર્લસન વચ્ચે યોજાઈ હતી. ચેસ ઓલિમ્પિયાડ એ દ્વિવાર્ષિક ટીમ ઈવેન્ટ છે, જેમાં લગભગ 190 દેશોની ટીમો બે અઠવાડિયા સુધી સ્પર્ધા કરે છે. ફિઝિકલ ચેસ ઓલિમ્પિયાડ 26 જુલાઈથી 8 ઓગસ્ટ દરમિયાન મોસ્કોમાં યોજાવાની હતી.
વિકલાંગ ખેલાડીઓ માટે પ્રથમ ચેસ ઓલિમ્પિયાડ
શુક્રવારે, આંતરરાષ્ટ્રીય ચેસ ફેડરેશન અથવા FIDE એ રશિયામાંથી આયોજિત ચેસ ઓલિમ્પિયાડ અને અન્ય તમામ સત્તાવાર સ્પર્ધાઓને ખસેડવાનું નક્કી કર્યું. FIDEએ જણાવ્યું હતું કે અન્ય ઇવેન્ટ કે જે રશિયાથી દૂર જાય છે તે વિકલાંગ ખેલાડીઓ માટે પ્રથમ ચેસ ઓલિમ્પિયાડ અને 93મી FIDE છે. FIDE પહેલેથી જ આ ઇવેન્ટ્સ માટે વૈકલ્પિક તારીખો અને સ્થળો શોધવા પર કામ કરી રહી છે.
