વિશ્વમાં ગત સપ્તાહમાં 34 લાખ નવા કોરોના કેસ સામે આવ્યા: WHO

WHOના અનુસાર દુનિયામાં પાછલા અઠવાડિયે કોરોના વાયરસથી સંક્રમિત 34 લાખ કેસ સામે આવ્યા છે. આ સંખ્યા પાછલા સપ્તાહ આવેલા કોરોના કેસ કરતા 12 ગણી વધારે છે.

• ગત સપ્તાહમાં દુનિયામાં 34 લાખ કોરોના કેસો સામે આવ્યા
• મૃત્યુંમાં આવી રહ્યો છે ઘટાડો
• રસીકરણ ઝડપી બનાવવુ જરૂરી

જિનેવા: વિશ્વ સ્વાસ્થ્ય સંગઠન (WHO) ના અનુસાર પાછલા અઠવાડિયે દુનિયામાં કોરોના વાયરસથી સંક્રમણના 34 લાખ કેસ સામે આવ્યા છે ,જે તેના પાછલા અઠવાડિયા કરતા 12 ટકા વધારે છે. સંયુક્ત રાષ્ટ્રની એજન્સીએ જણાવ્યું કે મૃત્યુની સંખ્યામાં ઘટાડો આવી રહ્યો છે અને ગત સપ્તાહમાં લગભગ 57 હજાર લોકોના મૃત્યું થયા છે.

પશ્વિમી પ્રશાંત અને યુરોપીય ક્ષેત્રમાં કેસમાં વધારો

WHOએ જણાવ્યું કે આ દરથી આગલા ત્રણ સપ્તાહમાં વિશ્વમાં કોરોના સંક્રમણના કુલ કેસ 20 કરોડની ઉપર જવાની આંશકા છે. વિશ્વ નિકાયએ રેખાકિંત કર્યું છે કે પશ્વિમી પ્રશાંત અને યુરોપીય ક્ષેત્રમાં કોવિડ-19ના કેસ સૌથી વધુ વધ્યા છે. પાછલા અઠવાડિયે કોરોનાના સૌથી વધુ કેસ ઇંડોનેશિયા, બ્રિટેન, બ્રાઝીલ,ભારત, અને અમેરીકામાં આવ્યા હતા.

આ પણ વાંચો : શ્રમજીવીએ હાથ જોડી પગ પકડ્યા, સાહેબ લારી ન લઇ જાઓ, પણ SMC અધિકારીએ એક ન સાંભળી

રસીકરણમાં વધારો જરૂરી

WHOએ કહ્યું કે વાયરસના નવા પ્રકાર, કોવિડ-19 નિયમોમાં ઢીલ અને રસીકરણ હોવા છતા કેટલાક દેશોમાં અસુરક્ષિત આબાદી વધારે હોવાને કારણે સંક્રમણ વધ્યું છે. વિશ્વ સ્વાસ્થ્ય નિકાયે દેશોને અપિલ કરી છે કે આ વર્ષના અંત સુધી પોતાના દેશની 40 ટકા આબાદીને રસી આપીને તેમને સુરક્ષિત કરે. WHOના અનુસાર અત્યાર સુધી દુનિયામાં કોવિડ-19ના ત્રણ અરબ ડોઝ આપવામાં આવ્યા છે, જેમા ફક્ત એક ટકા જ રસી ગરીબ દેશોને મળી છે.