હરિદ્વાર: હરિદ્વારમાં ત્રણ દિવસીય ધર્મ સંસદમાં વિવાદાસ્પદ નિવેદનને (Haridwar Dharma Sansad hate speech case) લઈને હરિદ્વાર નગર કોતવાલીમાં ગુલબહાર ખાનના તહરિર પર જીતેન્દ્ર નારાયણ સિંહ ત્યાગી (વસીમ રિઝવી) વિરુદ્ધ કેસ (case registered against Wasim Rizvi) નોંધવામાં આવ્યો છે. FIRમાં બે સંતોના નામનો વધારો કરવામાં આવ્યો છે.
FIRમાં નામ વધારવામાં આવ્યા
શનિવારે સામેલ કરવામાં આવેલા બે નામોમાં મહામંડલેશ્વર ધરમદાસ (Mahamandaleshwar Dharamdas) અને મહામંડલેશ્વર અન્નપૂર્ણા ભારતીનો (Mahamandaleshwar Annapurna Bharti) સમાવેશ થાય છે. હરિદ્વાર પોલીસે આ મામલે તપાસ હાથ ધરી છે. પોલીસને વીડિયોના રૂપમાં જે પુરાવા મળી રહ્યા છે તેના આધારે પોલીસ FIRમાં નામ વધારી રહી છે. પોલીસે આ સંતો વિરુદ્ધ IPCની કલમ 153A હેઠળ કેસ નોંધ્યો છે.
ભડકાઉં ભાષણ બાદ સંતો જેલ જવા તૈયાર
FIRમાં બે સંતોના નામ વધવાને કારણે સંત સમુદાયમાં રોષ વધી રહ્યો છે. સંતો કહે છે કે, તે આનાથી બિલકુલ ડરતા નથી. આ ઉપરાંત તેમણે કહ્યું હતું કે, જો તેમને જેલમાં નાખવામાં આવે તો તેઓ જેલમાં જવા તૈયાર છે.
વિવાદિત નિવેદન મામલે સંતોની સ્પષ્ટતા
સંતોએ સ્પષ્ટતા કરી છે કે, તેમણે ધર્મ સંસદમાં જે કંઈ કહ્યું છે તે સામાન્ય મુસ્લિમ કે સામાન્ય લોકો વિરુદ્ધ નથી, પરંતુ જેહાદીઓ વિરુદ્ધ છે. સંત સમાજનું કહેવું છે કે, કોર્ટમાં આ વાત પર વિચાર કરીને નિર્ણય લેવો જોઈએ કે જો બહુમતી સમુદાય કંઈ કહે તો તેના પર FIR નોંધવામાં આવે છે અને જો લઘુમતીઓ કંઈ કહે તો તેમની સામે કોઈ કાર્યવાહી કરવામાં આવતી નથી.
આ મામલે હરિદ્વારના સીઓ સિટી શેખર સુયાલનું કહેવું છે કે, ધર્મ સંસદમાં કેટલાક લોકોના વિવાદાસ્પદ નિવેદનો બાદ FIR નોંધવામાં આવી છે. આમાં પોલીસને વીડિયો પણ ઉપલબ્ધ કરાવવામાં આવ્યો છે. વીડિયો જોયા બાદ પોલીસે FIRમાં વધુ બે નામ ઉમેર્યા છે. પોલીસ તપાસ ચાલુ છે. તેણે કહ્યું છે કે પોલીસનો પ્રયાસ છે કે, આ વીડિયોને વધુ પ્રસારિત ન થવા દેવા જોઈએ.
IPCની કલમ 153A શું કહે છે
IPCની કલમ 153 A એવા લોકો પર લગાવવામાં આવે છે જેઓ ધર્મ, ભાષા, જાતિ વગેરેના આધારે લોકોમાં નફરત ફેલાવવાનો પ્રયાસ કરે છે. 153(a) ત્રણ વર્ષ સુધી લંબાવવામાં આવતી મુદત માટે કોઈપણ વર્ણનની કેદ અથવા દંડ સાથે અથવા બંને સાથે શિક્ષાપાત્ર રહેશે. જો આ અપરાધ ધાર્મિક સ્થળ પર કરવામાં આવે તો 5 વર્ષ સુધીની સજા અને દંડ પણ થઈ શકે છે.
આ પણ વાંચો:
